(បន្ទាយមានជ័យ)ថ្ងៃទី៦ ខែមករា ឆ្នាំ២០២១ លោកប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ និងក្រុមការងារ អញ្ជើញនាំយកសម្ភារកសិកម្ម ផ្តលជូនទីបញ្ជាការ កងពលតូចថ្មើរជើងលេខ៥១ ដែលស្ថិតនៅភូមិភ្នំជញ្ជាំង ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ។
ក្នុងឳកាសនោះ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានផ្តល់នូវទូរភ្ញាស់ពងមាន់ ចំនួន ១ទូ ដែលអាចភ្ញាស់ ពងមាន់បាន ១០៥៦គ្រាប់ ក្រៅពីនោះក៏មានមេមាន់ពូជ ៨៤ក្បាល ថ្មាំសំលាប់មេរោគ ថ្នាំវ៉ាក់សាំង សម្រាប់រោងចញ្ចឹមយកចញ្ចឹមមេមាន់ពូជរបស់អង្គភាព។
សូមបញ្ជាក់ថា៖ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យក្នុងឆ្នាំ២០២១នេះ ក៏បានផ្តល់សម្ភារមួយចំនួនជូនអង្គភាពវរសេនាតូចថ្មើរជើងលេខ៥១៤ផងដែរ។
លោកឧត្តមសេនីយ៍ត្រី (សឹង្ហ ទុំ) មេបញ្ជាការ កងពលតូចថ្មើរជើងលេខ៥១ បានថ្លែងអំណរគុណចំពោះ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ដែលបានខិតខំជួយដល់អង្គភាពកងពល ក្នុងការចូលរួមផ្នែកវិស័យកសិកម្ម កន្លងមក និងបន្តសហការឲ្យកាន់តែល្អបន្ថែមទៀត ដើម្បីជួយដល់ជីវភាពរស់នៅប្រចាំថ្ងៃរបស់កងទ័ព ប្រកបដោយសុវត្ថិភាពសុខភាព ធានាបាននូវសុខុមាលភាពល្អ ក្នុងតួនាទីភារកិច្ចការពារជាតិមាតុភូមិ ពិសេសគឺបានជួយដល់គ្រួសារកងទ័ពដែលមានជីវភាពខ្វះខាតផងដែរ៕លោក មុត ចិត្រា
