លោក សេង ឈួន មេជញ្ជីងថ្លឹងរថយន្តចល័តទូទាំងប្រទេស មិនគួរមើលរំលងប្រធាន. អនុ ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ១ ស្ថិតនៅចំណុចឃុំកំពង់ភ្នំ ស្រុកលេីកដែក ខេត្តកណ្តាល ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តតាមរបៀបពុករលួយជិះសេះលែងដៃ.!
ផ្សាយនៅថ្ងៃទី ១ខែ កក្កដា ឆ្នាំ ២០២៥
កណ្ដាល ៖ ភាពមិនប្រក្រតីប្រព្រឹត្តរបៀបពុករលួយរបស់ក្រុមមន្រ្តីស្ថានីយ៍ជញ្ជីងថ្លឹងរថន្តផ្លូវជាតិលេខ១ ចំណុចឃុំកំពង់ភ្នំ ស្រុកលើកដែក ខេត្តកណ្ដាលប្រែក្លាយជាប្រធានមួយសំរាប់អាជីវករនិងឈ្មួញ ប្រកបរបរដឹកជញ្ជូនទំនិញឆ្លងកាត់ ស្ថានីយ៍ជញ្ជីងថ្លឹងរថយន្តផ្លូវជាតិលេខ១ ស្រុលើកដែក ខេត្តកណ្ដាល ។
ប្រភពពីក្រុមអ្នករកស៊ីដឹកជញ្ជូនទំនិញឆ្លងកាត់ផ្លូវជាតិលេខ១ ស្ថិងនៅចំណុចភូមិកំពង់ពោធិ៍ បានអោយដឹងថា ករណីមន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តនៅចំណុច ភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តរបៀបពុករលួយ។
ទោះប្បីរថយន្តដឹកទំនិញមិនលើសទម្ងន់ក៏មន្ត្រីប្រចាំការ នៅស្ថានីយ៏ជញ្ជីងថ្លឹងរថយន្តផ្លូវជាតិលេខ១ កំពង់ភ្នំ ទារលុយថ្លៃបាយទឹកនិងកាហ្វេផងដែរ វាក្លាយទៅជាទម្លាប់គួរឲ្យស្អប់ខ្ពើម ។
ក្រុមឈ្មួញនិងអាជីវករដឹកទំនិញឆ្លងកាត់ស្ថានីយ៍ជញ្ជីងផ្លូវជាតិលេខ ១ បានឲ្យដឹងថារថយន្តដឹក លេីសទម្ងន់ ឬមិនលេីសទម្ងន់ក៍តម្រូវឲ្យបង់លុយតាមការកំណត់ មិនអាចរំលងបានឡើយ។
រីឯ លោក{ បូរី វង្សសានិត្យ} ប្រធានមន្ទីរសាធារណការ និងដឹកជញ្ជូន ខេត្តកណ្ដាល ដែលទើបឡើងកាន់តំណែងថ្មី មិនគួរបណ្ដែត បណ្ដោយអោយ ប្រធាន.អនុប្រធានស្ថានីយ៍ជញ្ជីងថ្លឹងរថយន្ត ឃុំកំពង់ភ្នំ ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃប្រព្រឹត្តរបៀបពុករលួយតាមអំពេីចិត្ត។ចំណែកលោក {សេង ឈួន} រដ្ឋលេខាធិការក្រសួងសាធារណការនិងដឹកជញ្ជូន និងជាប្រធានគណៈកម្មការសម្របសម្រួលជញ្ជីងថ្លឹងរថយន្ដចល័តទូទាំងប្រទេស រក្សាភាពស្ងៀមស្ងាត់ផងដែរ។
ប្រភពពីមន្ត្រីសាធារណការនិងដឹកជញ្ជូនខេត្តកណ្ដាល បានអោយដឹងថា ដោយមានការឃុបឃិតគ្នាពីថ្នាក់ដឹកនាំមន្ទីរ ទើបក្រុមមន្ត្រីនៅស្ថានីយ៍ជញ្ជីងថ្លឹងរថយន្ត ខាងលើរកវិធីសាស្រ្តគ្រប់បែបយ៉ាង ដើម្បីប្រមូលលុយឲ្យបានច្រើន ពីព្រោះវាជាមុខមាត់របស់ស្ថានីយ៍ជញ្ជីងថ្លឹង និងមានចំណូលដាក់ក្នុងហោប៉ៅបានច្រើនចែកគ្នាធ្វើមានធ្វើបានផងដែរ។
ក្រុមអ្នកបើករថយន្តភាគច្រើន បានព្យាយាមគេចវាងតាមផ្លូវផ្សេង ព្រោះតែមន្ត្រីនៅប្រចាំការនៅស្ថានីយ៍មួយនេះ ទារលុយច្រើនៗបើទោះប្បី ជារថយន្តមានការដឹកទំនិញលើសទម្ងន់បន្តិចបន្តួចក៏ដោយ។
ជាងនេះទៅទៀត បើទោះបី ជារថយន្តដឹកទំនិញមិនលើសទម្ងន់ក៏ មន្ត្រីនៅទីនោះ ហាមាត់លូកដៃទារលុយថ្លៃបាយ ទឹក កាហ្វេដែរ ព្រោះអ្នករកស៊ីដឹកទំនិញទទួល ស្គាល់ថា រថយន្ដដឹកជញ្ជូនទំនិញ អាចមានលើសទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ រីឯ មន្ត្រីដែលប្រចាំការនៅស្ថានីយ៍ជញ្ជីងថ្លឹងរថយន្តកំពង់ភ្នំ ផ្ផ្លូវជាតិលេខ១ បន់អោយតែមានរថយន្តដឹកទំនិញលើសទម្ងន់ ដើម្បីសង្កត់ ក យក លុយចែកមន្ត្រីថ្នាក់តូច ថ្នាក់ធំដាក់ហោប៉ាវ យកទៅធ្វើ មាន បាន តាមរបៀបពុករលួយ តែប៉ុណ្ណោះ។
ទោះរថយន្ដដឹកទំនិញលើសទម្ងន់ ឬមិនលើសទម្ងន់ត្រូវតែបង់លុយ តាមការកំណត់របស់ប្រធានស្ថានីយ៍ជញ្ជីងថ្លឹងរថយន្ដ ចំណុចខាងលើមិនអាច តវ៉ាបាន។
ពាក់ព័ន្ធមន្ត្រីប្រចាំនៅស្ថានីយ៍ជញ្ជីងថ្លឹងរថយន្តកំពង់ភ្នំ នៅលើផ្លូវជាតិលេខ ១ ភូមិកំពង់ពោធិ៍ ឃុំកំពង់ភ្នំ ស្រុកលើកដែក ពិតជាបង្កអោយមានការ ក្តៅក្រហាយដល់ អ្នករកស៊ីដឹកជញ្ជូនទំនិញនានា ហើយជាពិសេសពួកអ្នកដឹកទំនិញមួយចំនួន ឆ្លៀតឱកាស វាងផ្លូវ ដែលបណ្ដាលឲ្យផ្លូវដ៍ទៃទៀត នឹង ស្ពាន ខូចខាតបាក់ស្រុត ជាបន្ដបន្ទាប់។
ក្រុមអ្នកបើករថយន្ត អំពាវនាវដល់ថ្នាក់ដឹកនាំក្រសួងស្ថាប័នពាក់ព័ន្ធ លោក {ប៉េង ពោធិ៍នា } រដ្ឋមន្ត្រីក្រសួងសាធារណការ និងដឹកជញ្ជូន.លោក {សេង ឈួន }រដ្ឋលេខាធិការក្រសួង សាធារណការនិងជាប្រធាន គណៈកម្មការ សម្របសម្រួល ជញ្ជីងថ្លឹងរថយន្តចល័តទូទាំងប្រទេស រួមនឹង លោក {គួច ចំរើន} អភិបាលនៃគណៈអភិបាលខេត្តកណ្ដាល គួរពិនិត្យមើលប្រធាន.អនុប្រធានស្ថានីយ៍ជញ្ជីងថ្លឹងរថយន្តកំពុងភ្នំផ្លូវជាតិលេខ១ ស្រុកលើកដែកឡើងវិញខ្លះផងទាន ។
អង្គភាពអ្នកសារព័ត៌មានយើង ស្នើសុំឯកឧត្តម{ ឱម យុិនទៀង} ប្រធានអង្គភាពប្រឆាំងអំពើពុក រលួយ ឯកឧត្តម លោក ធ្លាប់ប្ដេជ្ញាលុបបំបាត់ នូវអំពើពុករលួយ នូវតាមដងផ្លូវ គួរតែចាត់មន្រ្តីជំនាញក្រោមឱវាទ ចុះស្រាវជ្រាវប្រធាន.អនុប្រធានស្ថានីយ៍ជញ្ជីងថ្លឹងរថយន្តកំពង់ភ្នំផ្លូវជាតិលេខ១ និងបក្សពួកនៅចំណុចភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល ដោយក្តីអនុគ្រោះផងទាន ៕ > លោក មុត ចន្ត្រា ចាងហ្វាងប្រម៉ាញ់ជាយដែន: អង្គភាពសារព័ត៌មានយើងខ្ញុំ ផ្សព្វផ្សាយព័ត៌មាននេះ គ្រាន់តែចង់ជម្រាបជូនមហាជន នឹងថ្នាក់ដឹកនាំ ជ្រាបជាព័ត៌មាន ក្នុងព្រឹត្តិការណ៍អ្វីដែលកើតមាននៅក្នុងមូលដ្ឋានតែប៉ុណ្ណោះ។
អង្គភាព គេហទំព័រ ប្រម៉ាញ់ជាយ ដែន tv យើង គ្រាន់តែជាកញ្ចក់ឆ្លុះបញ្ចាំង រិះគន់ ក្នុងន័យស្ថាបនា និងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធ គ្រប់ពេលម៉ោងធ្វើការតាមរបប អ្នកសារព័ត៌មាន សូមអរគុណ។
Post a Comment