(ខេត្តបាត់ដំបង)៖ កម្លាំងជំនាញកងរាជអាវុធហត្ថ ខេត្តបាត់ដំបង ចុះបង្ក្រាបករណី ជួញដូរគ្រឿងញៀន មួយកន្លែងនិងឃាត់ខ្លួន បានជនសង្ស័យម្នាក់ កាលពីរសៀលថ្ងៃទី ១៩ខែមិថុនាឆ្នាំ២០២៣ វេលាម៉ោង ១៣និង៣០នាទី នៅចំណុចភូមិបោះពោធិ៍ ឃុំអូរដំបង១ ស្រុកសង្កែរ ខេត្តបាត់ដំបង។
សត្ថកិច្ចបានប្រាប់អោយដឹងថា ជនសង្ស័យដែល កម្លាំងជំនាញអាវុធហត្ថ ខេត្តបាត់ដំបង ឃាត់ខ្លួនបានមានឈ្មោះ ថោ សូស៊ីវិន ហៅ ពិន ភេទប្រុស អាយុ២៧ឆ្នាំមុខរបរ ជាងជួសជុលម៉ូតូ មានទីលំនៅរស់នៅ ភូមិបោះពោធិ៍ ឃុំអូរដំបង១ ស្រុកសង្កែរ ខេត្តបាត់ដំបង។
សមត្ថកិច្ចបានប្រាប់ អោយដឹងបន្តរទៀតថា ក្រោយពីឃាត់ខ្លួនជន សង្ស័យខាងលើ កម្លាំងជំនាញ ដកហូតបានវត្ថុតាងបានរួមមាន ម្សៅក្រាម ស ថ្លា ប្រភេទម៉ាទឹកកក(ICE )ចំនួន០១កញ្ចប់ មានទំងន់១០១៨,៧៤ក្រាម (ថ្លឹងទាំងសំបកថង់) ម៉ូតូ០១គ្រឿង ម៉ាកRAIDER ពណ៌ខ្មៅ ពាក់ស្លាក់លេខ បន្ទាយមានជ័យ ១W ៤៦៣៥ លេខតួ ១៣៦២៩៨ និងទូរស័ព្ទដៃ ចំនួន២គ្រឿង។
សមត្ថកិច្ចប្រាប់បន្ថែមទៀតថា ដោយទទួលបានការអនុញ្ញាតិពី ឯកឧត្តម កែវ សុជាតិ ព្រះរាជអាជ្ញា អមសាលាដំបូងខេត្តដំបង នៅវេលាម៉ោង ១៤និង០០នាទី ថ្ងៃខែឆ្នាំដ៏ដែល កម្លាំងជំនាញ បានធ្វើការចុះឆែកឆេរលំនៅដ្ឋាន ជំនួន២កន្លែង ទី១លំនៅដ្ឋានរបស់ ជនសង្ស័យខាងលើកម្លាំងជំនាញ បានរកឃើញនិង ដកហូតបាន វត្ថុតាងរួមមាន ម្សៅក្រាមពណ៌ ស ថ្លា ម៉ាទឹកកក (ICE) ចំនួន០៤ កញ្ចប់ មានទម្ងន់ ២២០,២៥ ក្រាម (ថ្លឹងទាំងសំបកថង់) ជញ្ជីងថ្លឹងគ្រឿងញៀន ចំនួន០១ គ្រឿង ប្រាក់បាត ១២០០បាត ប្រាក់ដុល្លារ ១០០ដុល្លារ និងប្រាក់រៀល ចំនួនបួនលានរៀល (៤,០០០,០០០) រៀល។
ទី២ ចំណុចបន្ទប់ជួល របស់ឈ្មោះ ធន ឆវ័ន្ត ហៅ ម៉ាប់ ស្ថិតក្នុងភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង កម្លាំងជំនាញ រកឃើញនិង ដកហូតបានវត្ថុតាង រួមមាន ម្សៅក្រាមពណ៌ ស ថ្លា ម៉ាទឹកកក (ICE) ចំនួន ០១កញ្ចប់ មានទម្ងន់ ៩៩,៨៥ ក្រាម (ថ្លឹងទាំងសំបកថង់) អត្តសញ្ញាណប័ណ្ណ សញ្ជាតិខ្មែរ ចំនួន០១សន្លឹក របស់ឈ្មោះ ធន ឆវ័ន្ត និងស្លាកលេខម៉ូតូ ចំនួន០២ សន្លឹក (ភ្នំពេញ 1E-9727 និង បាត់ដំបង 1C-7173)
បន្ទាប់ពីធ្វើការ សាកសួរជនសង្ស័យ បានឆ្លើយសារភាពថា គ្រឿងញៀនរបស់ឈ្មោះ ធន ឆវ័ន្ត ជាមេក្លោង របស់ខ្លួនបានលាក់ ទុកនៅបន្ទប់ជួល ស្ថិតនៅ ភូមិចំការឬស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។ ហើយនៅម៉ោង ១៩ និង៣០នាទី ថ្ងៃខែឆ្នាំដដែល កម្លាំងជំនាញបានបន្តរ ចុះទៅដល់បន្ទប់ ជួលខាងលើ ហើយ ធ្វើការឆែកឆេរ រកឃើញ ម្សៅក្រាមពណ៌ ស ថ្លា ម៉ាទឹកកក (ICE)ចំនួន ៤១ កញ្ចប់ មានទម្ងន់ ៣០៣៧៤,៥ ក្រាម (ថ្លឹងទាំងសំបកថង់) កាបូបយួរដៃចំនួន ០២ការ៉ុងចំនួន ០២។
សមត្ថកិច្ចបានបញ្ជាក់ថា សរុបការដកហូតវត្ថុតាង រួមមាន ម្សៅក្រាមពណ៌ ស ថ្លា ម៉ាទឹកកក (ICE) ចំនួន៤៧ កញ្ចប់ មានទម្ងន់ ៣១៧១៣,៣៤ ក្រាម (ថ្លឹងទាំងសំបកថង់) ជញ្ជីងថ្លឹងគ្រឿងញៀន ចំនួន០១ គ្រឿង ទូរស័ព្ទដៃ ០២ គ្រឿង ម៉ូតូ ០១ គ្រឿង ម៉ាក RAIDER ពណ៌ ខ្មៅ ស្លាកលេខ បន្ទាយមានជ័យ 1W-4635 លេខតួ 136298 ប្រាក់បាត ១២០០ បាត ប្រាក់ដុល្លារ ១០០ ដុល្លារ ប្រាក់រៀល ចំនួនបួនលានរៀល (៤,០០០,០០០) រៀល អត្តសញ្ញាណប័ណ្ណសញ្ជាតិខ្មែរ ចំនួន០១ សន្លឹក និងស្លាកលេខម៉ូតូ ចំនួន០២ សន្លឹក (ភ្នំពេញ 1E-9727 និង បាត់ដំបង 1C-7173) កាបូបយួរដៃចំនួន ០២ ការ៉ុងចំនួន ០២។
បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងជំនាញនៃ ការិយាល័យប្រឆាំងគ្រឿងញៀន នៃកងរាជអវុធហត្ថ ខេត្តបាត់ដំបង កសាងសំណុំ រឿងបញ្ជូន ទៅតុលាការ ដើម្បីចាត់បន្តរ ទៅតាមនីតិវិធីច្បាប់៕
