ខេត្តព្រៃវែង ៖ ហេតុការណ៍នេះ បានកើតឡើងកាលពី ថ្ងៃទី១២ ខែវិច្ឆិកា ឆ្នាំ២០២២ នៅចំណុចបឹងតាអី ភូមិត្នោត ឃុំកំពង់ឫស្សី ស្រុកពោធិ៍រៀង ខេត្តព្រៃវែង។ យ៉ាងហោចណាស់មានសិស្សសាលាចំនួន៣នាក់ បានស្លាប់ដោយសារលិចទូក និងសិស្សសាលាចំនួន ៦នាក់ទៀត បានរួចផុតពីការស្លាប់ ខណៈពួកគេបាននាំគ្នាជិះទូកលេងលើបឹងតាអី បន្ទាប់ទំនេរពីការសិក្សា។ សមត្ថកិច្ចស្រុកពោធិ៍រៀង បានឱ្យដឹងថា នៅមុនពេលកើតហេតុ ឃើញក្មេងសិស្សសាលាមួយក្រុមមានគ្នា៩នាក់ បាននាំគ្នាជិះទូកឈើប្រវែង ៦ម៉ែត្រ នៅពេលកំពុងជិះស្រាប់តែលិចទូកបណ្តាលឱ្យលង់ទឹកស្លាប់ចំនួន៣នាក់ និងក្មេង៦នាក់ទៀត បាននាំគ្នាហែលទឹក និងប្រជាពលរដ្ឋជួយសង្ក្រោះផងទើបរួចពីសេចក្តីស្លាប់។ សមត្ថកិច្ចបានបញ្ជាក់ថា ក្មេងសិស្សសាលាដែលរងគ្រោះដោយសារលិចទូកនេះរួមមាន៖ ទី១៖ ឈ្មោះ សាន លីម៉េង ភេទប្រុសអាយុ១៦ឆ្នាំ មានទីលំនៅភូមិកំពង់ឫស្សី ឃុំកំពង់ឫស្សី។ ទី២៖ ឈ្មោះ ប៉ូ រុណ ភេទប្រុស អាយុ១៥ឆ្នាំ ភូមិព្រៃមាស ឃុំកំពង់ឫស្សី។ ទី៣៖ ឈ្មោះ ណេ ដេវីដ ភេទប្រុស អាយុ១៥ឆ្នាំ ភូមិកំពង់ឫស្សី ឃុំកំពង់ឫស្សី ស្រុកពោធិ៍រៀង ខេត្តព្រៃវែង។ ក្រោយពេលកើតហេតុ កម្លាំងប៉ុស្តិ៍កំពង់ឫស្សី បានសហការជាកម្លាំងអធិការដ្ឋានស្រុកពោធិ៍រៀង និងប្រជាពលរដ្ឋចុះរាវរកសពក្នុងទឹកបានឃើញទាំងអស់ នៅវេលាម៉ោង១១និង១២នាទី និងបានប្រគល់សពជូនក្រុមគ្រួសារសពធ្វើបុណ្យតាមប្រពៃណី។ សមត្ថកិច្ចស្រុកពោធិ៍រៀង ក៏បានអំពាវនាវសិស្សានុសិស្ស ពេលទំនេរពីការសិក្សាមិនត្រូវនាំគ្នាលេងទឹកឡើយ ចៀសវាងនាំឱ្យគ្រោះថ្នាក់ជាយថាហេតុ ៕
You might like
ឯកឧត្តមអភិសន្តិបណ្ឌិត ស សុខា និងគណៈប្រតិភូ បន្តស្វែងយល់អំពីយុវជនអាល្លឺម៉ង់ ក្នុងកិច្ចការរដ្ឋបាលមូលដ្ឋាន និងកិច្ចសហប្រតិបត្តិការអន្តរទីក្រងដើម្បីការពារនិងសង្គ្រោះពលរដ្ឋក្នុងគ្រាអាសន្ន
26/04/2024
1 Likes
2
ឯកឧត្តមអភិសន្តិបណ្ឌិត ស សុខា ជួបពិភាក្សាការងារជាមួយអភិបាលក្រុង Kempten និងដឹកនាំគណៈប្រតិភូ ស្ដាប់បទបង្ហាញពាក់ព័ន្ធនឹងការគ្រប់គ្រងទីក្រុង. .!
26/04/2024
0 Likes
3
បញ្ចប់ទស្សនកិច្ចនៅស្វីស ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូជាន់ខ្ពស់កម្ពុជា ទស្សនកិច្ចនៅប្រទេសអាល្លឺម៉ង់ ……………..
25/04/2024
2 Likes
4
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ ………………
25/04/2024
1 Likes
4