ខេត្តប៉ៃលិន÷យោងតាមរបាយការណ៍ របស់មន្ត្រីនគរបាលស្រុកសាលាក្រៅបាន ឲ្យដឹងថា÷នៅវេលាម៉ោង១១ និង០០នាទី ថ្ងៃសុក្រ ទី១១ ខែវិច្ឆិកា ឆ្នាំ២០២២ មានករណី ផ្ទុះអាវុធមួយកន្លែង នៅមាត់ស្ទឹងជិតស្ពានសន្តិភាពស្ថិតក្នុង.ភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ ក្រោយពីទទួលបានពត៌មានភ្លាមកម្លាំងនគរបាលជំនាញនៃអធិការស្រុកក៏បានសហការណ៍ជាមួយប៉ុស្តិ៍នគរបាលរដ្ឋបាលស្ទឹងកាច់ ចុះទៅដល់កន្លែងកើតហេតុបានរកឃើញសំបកគ្រាប់កាំភ្លើងខ្លីចំនួន ១៤ គ្រាប់ និងមានថង់ថ្លាសង្ស័យជាសារធាតុញៀនចំនួន ៣កញ្ចប់តូចៗ។ ភ្លាម់ៗសមត្តកិច្ចនគរបាលជំនាញស្រុកក៏ទទួលការចង្អុលបង្ហាញ និងបទបញ្ជាពីលោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន និង មានការសម្រប សម្រួលនីតិវិធីពីឯកឧត្តម សេង គឹមឡាក់ ព្រះរាជ អាជ្ញាអមសាលាដំបូងខេត្តប៉ៃលិន វរសេនីយ៍ទោ មាឃ សារ៉ន អធិការ នៃអធិការដ្ឋាននគរបាលស្រុកសាលាក្រៅ បានដឹកនាំកម្លាំងជំនាញរបស់អធិការដ្ឋានគរបាលស្រុកសាលាក្រៅ និងកម្លាំងប៉ុស្តិ៍នគរបាលរដ្ឋបាលស្ទឹង កាច់ សហការជាមួយកម្លាំងផែនព្រហ្មទណ្ឌ និងកម្លាំងផែនសន្តិសុខ នៃស្នងការដ្ឋាន នគរបាលខេត្តប៉ៃលិន ឈានទៅដល់ការឃាត់ខ្លួនជនសង្ស័យដែលជាមុខសញ្ញាបាញ់កាំភ្លើងនោះបានចំនួន ៦នាក់ (ជាជនជាតិថៃ) និងធ្វើការចុះឆែកឆេរចំនួន ២ទីតាំងរួមមាន៖ +ទីតាំងទី១ៈ នៅផ្ទះសំណាក់វ៉ាន់ធី ឆែកឆេរមួយបន្ទប់បានរកឃើញកាំភ្លើងចំនួន ១ដើម ម៉ាករឡូនិងគ្រាប់មួយប្រអប់ចំនួន ៤៥ គ្រាប់។ +ទីតាំងទី២ៈ នៅបន្ទប់ជួលម្លប់ខ្នុរ ឆែកឆេរមួយបន្ទប់បានរកឃើញកាំភ្លើង ២ដើម ៖ តាមប្រភពពីរបាយការណ៍របស់មន្ត្រីនគរបាលជំនាញបានបន្តថា÷ កាំភ្លើង-ទី១ ម៉ាកឡុក មានបង់ចំនួន ៣បង់ បង់ខ្លី ២បង់ និងបង់វែង ១បង់ ដែលមានគ្រាប់ចំនួន ៥១ គ្រាប់។ -កាំភ្លើងទី២ ម៉ាកគូសុី មានបង់១បង់ និងមានគ្រាប់រឡូចំនួន ៣០ គ្រាប់។ មន្ត្រីនគរបាលជំនាញបន្តទៀតថា÷ ជនសង្ស័យចំនួន ៦នាក់ (ជាជនជាតិថៃ) ទី១- ឈ្មោះ EIMRAKSAWONG PURIN ភេទប្រុស អាយុ ៣០ឆ្នាំ មុខរបបជាបុគ្គលិកកាសុីណូហ្គែន ប៉ៃលិន (អ្នកបាញ់ និងជាម្ចាស់អាវុធ)។ ទី២- ឈ្មោះ តា ឆៃ ភេទ ប្រុស អាយុ ២៧ឆ្នាំ មុខរបបបុគ្គលិក កាសុីណូហ្គែន ប៉ៃលិន (អ្នកបាញ់ និងជាម្ចាស់អាវុធ)។ ទី ៣- ឈ្មោះ suepsomboat chaninthon ភេទប្រុស អាយុ ១៩ ឆ្នាំ មុខរបបបុគ្គលិកកាសុីណូហ្គែន ប៉ៃលិន ។ ទី ៤- ឈ្មោះ BUNTHUK THAWATHCHAI ភេទប្រុស អាយុ ៣៣ឆ្នាំ មុខរបបបុគ្គលិកកាសុីណូ ហ្គែនប៉ៃលិន។ ទី៥- ឈ្មោះ SITTIPONG VUTHICHAI ភេទ ប្រុស អាយុ ៣២ឆ្នាំ មុខរបបបុគ្គលិកកាសុីណូហ្គែន ប៉ៃលិន។ ទី ៦- ឈ្មោះ អាត ធិប ភេទ ប្រុស អាយុ ២៣ឆ្នាំ មុខរបបបុគ្គលិកកាសុីណូហ្គែនប៉ៃលិន។ ក្រោយពីសមត្តកិច្ចជំនាញបានឃាត់ខ្លួន ជនសង្ស័យខាងលើទាំង៦ នាក់និងវត្តុតាង ត្រូវបញ្ជូនទៅអធិការដ្ឋាននគរបាលស្រុកសាលាក្រៅដេីម្បីចាត់ការបន្តរតាមនីតិវិធីច្បាប់។ដោយ,ស សារឿន
You might like
ឯកឧត្តមអភិសន្តិបណ្ឌិត ស សុខា និងគណៈប្រតិភូ បន្តស្វែងយល់អំពីយុវជនអាល្លឺម៉ង់ ក្នុងកិច្ចការរដ្ឋបាលមូលដ្ឋាន និងកិច្ចសហប្រតិបត្តិការអន្តរទីក្រងដើម្បីការពារនិងសង្គ្រោះពលរដ្ឋក្នុងគ្រាអាសន្ន
26/04/2024
0 Likes
2
ឯកឧត្តមអភិសន្តិបណ្ឌិត ស សុខា ជួបពិភាក្សាការងារជាមួយអភិបាលក្រុង Kempten និងដឹកនាំគណៈប្រតិភូ ស្ដាប់បទបង្ហាញពាក់ព័ន្ធនឹងការគ្រប់គ្រងទីក្រុង. .!
26/04/2024
0 Likes
3
បញ្ចប់ទស្សនកិច្ចនៅស្វីស ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូជាន់ខ្ពស់កម្ពុជា ទស្សនកិច្ចនៅប្រទេសអាល្លឺម៉ង់ ……………..
25/04/2024
1 Likes
4
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ ………………
25/04/2024
0 Likes
3