(ខេត្តបាត់ដំបង)៖ កម្លាំងប្រឆាំង បទល្មើសគ្រឿងញៀន នៃអធិការដ្ឋាន នគរបាលក្រុងបាត់ដំបង ឃាត់ខ្លួនជនសង្ស័យ១នាក់ ពីបទរក្សាទុក និងចែកចាយ គ្រឿងញៀនដោយ ខុសច្បាប់កាល ពីយប់រំលង អាធ្រាតនាថ្ងៃទី១២ខែកក្កដាឆ្នាំ ២០១៩វេលម៉ោង២៣ និង៣០នាទី ស្ថិតនៅក្រុមទី២ ភូមិអូរចារសង្កាត់ អូរចារក្រុងបាត់ ដំបងខេត្តបាត់ដំបង។
សមត្ថកិច្ចបាន ប្រាប់អោយដឹង ថាជនសង្ស័យមានឈ្មោះ សុក សិលា ភេទប្រុស អាយុ២៦ឆ្នាំ រស់នៅក្នុងភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។
សមត្ថកិច្ចរឹបអូស បានវត្ថុតាងរួមមាន ម្សៅក្រាមពណ៏ស ថ្លាសង្ស័យគ្រឿងញៀន ច្រកក្នុងថង់ស្ទិចថ្លា ចំនួន ០១ថង់ ទូរសព្ទ័ចំនួន១ គ្រឿងប្រាក់រៀល ចំនួន៥០០០រៀល និងម៉ូតូចំនួន ០១គ្រឿងម៉ាក ហុងដា វ៉េវអាល់ហ្វា ពណ៏ក្រហម លខតួម៉ស៊ីន ០៨៣៦២៩៤ ពាក់ស្លាកលេខ ៥៣៧៦។
បច្ចុប្បន្នជន សង្ស័យត្រូវបាន កម្លាំងជំនាញ នៃអធិការដ្ឋាន នគរបាលក្រុងបាត់ដំបង កសាងសុំនុំ រឿងបញ្ជូនទៅ ស្នងការដ្ឋាននគរ បាលខេត្តបាត់ដំបង ដើម្បីចាត់ការបន្តរ ទៅតាមនិតិវិធីច្បាប់៕
