ខេត្តប៉ៃលិន៖ ព្រឹកថ្ងៃទី១៥ ខែវិច្ឆិកា ឆ្នាំ២០២២ លោក ប៉ិច បិន ប្រធានទីស្នាក់ការច្រកទ្វាព្រំដែនអន្តរជាតិព្រំ សហការជាលោក ផាត សុផាន់ណា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិព្រំ បានដឹកនាំកម្លាំងចុះពិនិត្យ និងរៀបចំសណ្តាប់ធ្នាប់ និងអនាម័យបរិស្ថាន ដើម្បីឲ្យមានរបៀបរៀបរយ នៅមុខច្រកទ្វារព្រំដែនអន្តរជាតិព្រំ ស្ថិតនៅ ភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ លោក ប៉ិច បិន ប្រធានទីស្នាក់ការច្រកទ្វាព្រំដែនអន្តរជាតិព្រំបានឲ្យដឹងថា៖ គោលបំណងនៃការចុះសំអាត ធ្វើអនាម័យលើដងផ្លូវនាពេលនេះ គឺដោយសារនៅច្រកទ្វារដែន អន្តរជាតិព្រំនេះ ជាតំបន់សេដ្ឋកិច្ចសំខាន់ របស់ខេត្តប៉ៃលិន និងមានភ្ញៀវទេសចរណ៍ចេញ-ចូលច្រើន។ ការរៀបចំសណ្តាប់ធ្នាប់ និងអនាម័យបរិស្ថាន ផ្លូវនេះ គឺដើម្បីអោយដងផ្លូវ របស់យើងមានភាពស្អាតល្អ ក៏ដូចជាការដាស់តឿន ដល់ប្រជាពលរដ្ឋអោយមានការភ្ញាក់រលឹក ចេះស្រឡាញ់ និងរួមគ្នាសំអាតបរិស្ថាន អោយបានល្អ ជាប្រយោជន៍ដើម្បីសុខភាព របស់ប្រជាពលរដ្ឋយើង ក៏ដូចជាការទាក់ទាញភ្ញៀវជាតិ និងអន្តរជាតិមកលេងកំសាន្តនៅក្នុងខេត្តប៉ៃលិន ដែលនាំមកនូវចំណូល ដល់ក្រុមគ្រួសារ និងសង្គមជាតិរបស់យើងផងដែរ។ សូមបញ្ជាក់ថា៖ រដ្ឋបាលខេត្តប៉ៃលិន តែងមានការយកចិត្តទុកដាក់ខ្ពស់ លើការអភិវឌ្ឍកសាងហេដ្ឋាចរនាសម្ព័ន្ធរូបវន្តនានាជាច្រើននៅក្នុងខេត្ត ហើយក្នុងនោះវិស័យបរិស្ថាន ក៏មានការលើកស្ទួយយ៉ាងខ្លាំងផងដែរ ដោយមានការដាំដើមឈើ ការដាំផ្កាលម្អ ការកែលំអរសួនច្បារ សាធារណៈជាដើម ធ្វើយ៉ាងណាអោយបរិស្ថាននៅក្នុងខេត្តប៉ៃលិនមានភាពស្រស់បំព្រង ស័ក្កសមជាកន្លែងកំសាន្តសប្បាយរបស់ប្រជាពលរដ្ឋ និងភ្ញៀវទេសចរទាំងឡាយ៕ដ,ស សារឿន
You might like
ខ្មាន់កាំភ្លើង ដែលបាញ់ បណ្ដាលឲ្យមនុស្ស៣នាក់រងរបួស នៅសង្កាត់ស្រះចក ខណ្ឌដូនពេញ ត្រូវកម្លាំងជំនាញ នៃនាយកដ្ឋាននគរបាលព្រហ្មទណ្ឌស្រាវជ្រាវបង្ក្រាបបានហើយ …!!!
08/05/2024
0 Likes
3
ដីបម្រុងរបស់រដ្ឋជាដីស្រះជិត៣០,០០០ម៉ែត្រក្រឡា ក្នុងក្រុងប៉ោយប៉ែត ត្រូវបានគេប្រកាសលក់ក្នុង១ម៉ែត្រក្រឡា២០០ដុល្លារ យកលុយចែកគ្នា ត្រូវបានបែកធ្លាយ…!!!
08/05/2024
0 Likes
3
រដ្ឋមន្ត្រីក្រសួងបរិស្ថានចាត់វិធានការយ៉ាងណាចំពោះប្រធានមន្ត្រីបរិស្ថាន ខេត្តព្រះវិហារ យល់យ៉ាងណាវិញ ដែលបណ្តែតបណ្តោយ ឱ្យក្រុមឈ្មួញ ឈូសឆាយដីព្រៃរបស់រដ្ឋ យ៉ាងអាណាធិបតេយ្យ.វគ្គ៣…
08/05/2024
0 Likes
3
អភិបាលខេត្តប៉ៃលិន នឹងចាត់វិធានការតាមច្បាប់ទៅលើក្រុមហ៊ុនទឹកស្អាតប៉ៃលិន ដែលមិនគោរពតាមកិច្ចសន្យា និងទឹកគ្មានអនាម័យ
07/05/2024
1 Likes
5