សម្តេច​តេជោ​ហ៊ុន សែន​អញ្ជើញ​ចូលរួម​ក្នុង​កិច្ចប្រជុំ​«​ត្រួតពិនិត្យ​ឡើងវិញ​ជា​សកល លើ​ជំនួយ​សម្រាប់​ពាណិជ្ជកម្ម​ឆ្នាំ​២០១៩»​នៅ​ទីក្រុង​ហ្សឺ​ណែវ​ប្រទេស​ស្វីស​

នៅ​ព្រឹក​ថ្ងៃទី​០៣ ខែកក្កដា ឆ្នាំ​២០១៩​នេះ សម្ដេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​អញ្ជើញ​ចូលរួម​ក្នុង​កិច្ចប្រជុំ «​ត្រួតពិនិត្យ​ឡើងវិញ​ជា​សកល លើ​ជំនួយ​សម្រាប់​ពាណិជ្ជកម្ម ឆ្នាំ​២០១៩»​ដែល​បាន​ប្រព្រឹត្តទៅ​នៅ​ស្នាក់ការ​អង្គការ​ពាណិជ្ជកម្ម​ពិភពលោក (WTO)​នៅ​ទីក្រុង​ហ្សឺ​ណែវ​ប្រទេ​សស្វី​ស​ដែល​កិច្ចប្រជុំ​នេះ​មាន​ការអញ្ជើញ​ចូលរួម​ពី​អគ្គនាយក​អង្គការ​ពាណិជ្ជកម្ម​ពិភពលោក និង​ដៃគូ​ស្ថាប័ន​ពាក់ព័ន្ធ​ជាច្រើន​ទៀត​ផង​ដែរ ហើយ​កិច្ចប្រជុំ​នេះ​គឺ​ក្រោម​មូលបទ «​គាំទ្រ​ពិពិធ​កម្ម និង​ការលើកកម្ពស់​សេដ្ឋកិច្ច សម្រាប់​ការអភិវឌ្ឍ​ប្រកបដោយ​ចីរភាព និង​បរិយាប័​ន្ន តាមរយៈ​ជំនួយ​សម្រាប់​ពាណិជ្ជកម្ម​» ដោយ​មាន​គោលបំណង​ពិនិត្យ​មើល​ពី​របៀប​ដែល​ជំនួយ​ពាណិជ្ជកម្ម អាច​ទ្រទ្រង់​ប្រកបដោយ​ប្រសិទ្ធភាព​ដល់​ការធ្វើ​ពិពិធ​កម្ម​សេដ្ឋកិច្ច​»​។​

​ថ្លែង​នៅក្នុង​ឱកាស​នោះ​សម្ដេច​តេ​ជោនា​យក​មន្ត្រី​បាន​អញ្ជើញ​ថ្លែង​សន្ទរកថា​គន្លឹះ​ដែល​មាន​ខ្លឹម​សារៈសំខាន់ៗ​ថា​៖ សម្តេច​ពិតជា​រីករាយ ដែល​បាន​ចូលរួម​ក្នុង​កិច្ចប្រជុំ​ដ៏​មាន​សារៈសំខាន់​នេះ​។​ជាពិសេស​ដើម្បី​ចែករំលែក​អំពី​បទពិសោធ​ន៍​របស់​កម្ពុជា​ក្នុង​ការរៀបចំ​គោលនយោបាយ​ពាណិជ្ជកម្ម និង​ជោគជ័យ​នៃ​ការអភិវឌ្ឍ​សង្គម​-​សេដ្ឋកិច្ច ក្រោយពេល​ដែល​កម្ពុជា​បាន​ក្លាយ​ជា​សមាជិក​នៃ​អង្គការ​ពាណិជ្ជកម្ម​ពិភពលោក​នៅ​ឆ្នាំ ២០០៤ ព្រមទាំង​តួនាទី​របស់​កម្ពុជា​នាបច្ចុប្បន្ន និង​ទៅ​អនាគត​ក្នុង​ការ​ទ្រទ្រង់​ប្រព័ន្ធ​ពាណិជ្ជកម្ម​ពហុភាគី និង ការ​បន្ត​រក្សា​មាគ៌ា​សេរីភាវូបនីយកម្ម ជា​សកល ។​

​ក្នុងនាម​រាជរដ្ឋាភិបាល និង​ប្រជាជន​កម្ពុជា សម្តេច​តេជោ​សូម​ថ្លែងអំណរគុណ និង​វាយតម្លៃ​ខ្ពស់ ចំពោះ​អង្គការ​ពាណិជ្ជកម្ម​ពិភពលោក​(WTO) ដែល​បាន​រៀបចំ​កិច្ចប្រជុំ​នេះ​ឡើង​។ សម្តេច​តេជោបា​នវាយត​ម្លៃ​ខ្ពស់​ចំ​ញេះ​តួនាទី​យ៉ាង​សកម្ម​របស់​អង្គការ​ពាណិជ្ជកម្ម​ពិភពលោក​ក្នុង​ការបង្កើតឱ្យមាន​វិធាន​នានា​ដ៏​ពេញលេញ ដែល​ក្លាយជា​មូលដ្ឋាន​គ្រឹះ​ក្នុង​ការធ្វើ​សេរីភាវូបនីយកម្ម​ជា​សកល និង សម្រាប់​ពាណិជ្ជកម្ម​ពហុភាគី ធានា​ដល់​ស្ថិរភាព​នៃ​លំហូរ​ពាណិជ្ជកម្ម ដោយ​សេរី រលូន និង ឤ​ច​ព្យាករណ៍​បាន ក៏ដូចជា​ក្នុង​ការកៀងគរ​ជំនួយ​នានា សម្រាប់​ការអភិវឌ្ឍ​សេដ្ឋកិច្ច​ថ្នាក់ជាតិ តំបន់ និង អន្តរជាតិ​តាមរយៈ​កា​រៀបចំ​កិច្ចប្រជុំ​ត្រួតពិនិត្យ​ឡើងវិញ​នូវ​ជំនួយ​សម្រាប់​ពាណិជ្ជកម្ម ដែល​បាន​ប្រព្រឹត្តិ​ទៅ​ចំនួន​៦​លើក​រួចមកហើយ ។​

​ជាមួយគ្នានេះ​ដែរ​ក្នុងនាម​ជា​សមាជិក​អង្គការ​ពាណិជ្ជកម្ម​ពិភពលោក កម្ពុជា​បាន​ខិតខំ​បំពេញ​នូវ​តួនាទី​ប្រកប​ដោយ​ភាព​ទទួលខុសត្រូវ​ខ្ពស់ តាមរយៈ​ការដាក់ចេញ និង​ការរៀបចំ​កម្មវិធី​កែទម្រង់​ប្រព័ន្ធ​សេដ្ឋកិច្ច​ច្បាប់ បទ​ប្បញ្ញត្តិ​ផ្សេងៗ និង​វិធាន​នានា ដើម្បី​ឱ្យ​មាន​អនុលោមភាព​ទាំងស្រុង​ជាមួយ​បទបញ្ញត្តិ​អន្តរជាតិ ជាពិសេស​ឱ្យស្រប​តាម​ការសន្យា​របស់​កម្ពុជា ក្រោម​ក្របខ័ណ្ឌ​នៃ​អង្គការ​ពាណិជ្ជកម្ម​ពិភពលោក ។

​ជាមួយនឹង​ការខិតខំ​បំពេញ​កាតព្វកិច្ច​ជា​សមាជិក​របស់​អង្គកា​រញណិ​ជ្ជកម្ម​ពិភពលោក រាជរដ្ឋាភិបាល​កម្ពុជា​ក៏​បាន​អនុវត្ត​យ៉ាង​ខ្ជាប់ខ្ជួន នូវ​គោលការណ៍​នៃ​លទ្ធិប្រជាធិបតេយ្យ​សេរី​-​ពហុបក្ស ខិតខំ​រក្សា​សន្តិភាព សន្តិសុខ ស្ថិរភាព​នយោបាយ សណ្តាប់ធ្នាប់​សង្គម និង​គ្រប់គ្រង​ម៉ាក្រូសេដ្ឋកិច្ច និង​ហិរញ្ញវត្ថុ​ប្រកបដោយ ភាព​ប្រុងប្រយ័ត្ន តាមរយៈ​ការដាក់ចេញ និង​អនុវត្ត​នូវ​យុទ្ធសាស្ត្រ​ទូលំទូលាយ​ជា​ឤ​ទិ៍ យុទ្ធសាស្ត្រ​ចតុកោណ ដែល​ជា​របៀបវារៈ​គោល​នយោបាយ​រួម​សម្រាប់​ការអភិវឌ្ឍ​សង្គម​-​សេដ្ឋកិច្ច​, ផែនការ​យុទ្ធសាស្ត្រ​អភិវឌ្ឍ​ជាតិ និង យុទ្ធសាស្ត្រ​តាម​វិស័យ​សំខាន់ៗ​ដទៃទៀត ។

​នៅក្នុង​វិស័យ​ពាណិជ្ជកម្ម កម្ពុជា​បាន​រៀបចំ និង​ដាក់ឱ្យ​អនុវត្ត​នូវ​យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា តាំងពី​ឆ្នាំ ២០០១ ហើយ​បាន​កែលម្អ​ជា​បន្តបន្ទាប់ ដើម្បី ឆ្លើយតប​ទៅ​នឹង​កម្រិត​នៃ​ការអភិវឌ្ឍ​របស់​កម្ពុ​ជា ។​ក្នុង​ឆ្នាំ​២០១៩ នេះ កម្ពុជា​បាន​ធ្វើ​បច្ចុប្បន្នភាព​លើក​ទី​បី រួចរាល់​ជា​ស្ថាពរ នូវ​យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា ២០១៩-២០២៣ សំដៅ​ឆ្លើយតប​ទៅនឹង​តម្រូវការ​អភិវឌ្ឍ​របស់​កម្ពុជា ក៏ដូចជា​ឆ្លើយតប​ទៅ​នឹង​បរិការណ៍​បច្ចុប្បន្ន និង អនាគត នៃ​ពាណិជ្ជកម្ម​តំបន់ និង​ពិភពលោក ។ ជា​លទ្ធផល​ពី​កិច្ច​ខំ​ប្រឹងប្រែង​ខាងលើ​, កម្ពុជា​សម្រេចបាន​នូវ​កំណើនសេដ្ឋកិច្ច ជា​មធ្យម​ប្រចាំឆ្នាំ ក្នុង រង្វង់ ៧,៧% ប្រកប​ដោយ​បរិយាប័​ន្ន និង​សមធម៌​, ក្នុង​រយៈពេល ២ ទស្សវត្ស​ចុង​ក្រោយ​នេះ ។ កម្ពុជា​ថែមទាំង​សម្រេចបាន​នូវ​បង្គោល​ចរ​ជា​ប្រវត្តិសាស្ត្រ គឺ​ការឆ្លង​ពី​ឋានៈ​ប្រទេស​មាន​ចំណូល​ទាប ទៅ​ជា​ប្រទេស មាន​ចំណូល​មធ្យម​កម្រិត​ទាប ជា​ផ្លូវការ​ក្នុង​ឆ្នាំ ២០១៥ ។ សម្រាប់​ឆ្នាំ ២០១៨ កន្លងទៅនេះ​, អត្រាកំណើន សេដ្ឋកិច្ច​កម្ពុជា​សម្រេច​បាន ៧,៥% និង ត្រូវ​បាន​ព្យាករណ៍​ថា នឹងឤ​ចបន្ត​រក្សាបាន ក្នុង​រង្វង់ ៧% ក្នុង​មួយ​ឆ្នាំ សម្រាប់​រយៈពេល​មធ្យម​ទៅមុខ ។ អត្រា​នៃ​ភាពក្រីក្រ បាន​ធ្លាក់ចុះ​ពី ៥៣,២% ក្នុង​ឆ្នាំ ២០០៤ មក​នៅ​ក្រោម ១០% ក្នុង​ឆ្នាំ ២០១៨ ។

​ជាមួយគ្នានេះដែរ​, កម្ពុជា​បាន​ធ្វើ​ពិពិធ​កម្ម​, ទាំង​ផលិតផល និង ទីផ្សារ​, ដែល​ក្នុង នោះ​ការនាំចេញ​របស់​កម្ពុជា បាន​កើន​ពី ៥,៧ ប៊ី​លាន​ដុល្លារ (​ស្មើនឹង ៤០,៥% នៃ ផ​សស​) នៅ​ឆ្នាំ ២០១២ មកដល់ ១៣ ប៊ី​លាន​ដុល្លារ (​ស្មើនឹង ៥៣,២% នៃ ផ​សស​) នៅ​ឆ្នាំ​២០១៨ និង​បាន​ធ្វើ​ពិពិធ​កម្ម​បន្តិច​ម្តងៗ ពី​ការនាំចេញ​សម្លៀក​បំពាក់​ទៅ​កាន់​ផលិតផល​ផ្សេងទៀត ។ ដូចគ្នានេះដែរ​, គោលដៅ​នាំ​ចេញ​ត្រូវបានធ្វើ ពិពិធ​កម្ម ពី​ការ​ផ្តោតលើ​ទីផ្សារ​សហរដ្ឋឤ​មេរិក ទៅ​ផ្តោតលើ​ទៅ​ផ្សារ​អឺរ៉ុប​, ជប៉ុន​, តំបន់ឤ​ស៊ាន និង​ប្រទេស​ដទៃ​ទៀត ។​

​សម្តេច​តេជោ​បាន​សូម​វាយតម្លៃ​ខ្ពស់ និង កោតសរសើរ​ដល់​អង្គ​ការ​ពាណិជ្ជកម្ម ពិភពលោក ព្រមទាំង​ដៃគូ​អភិវឌ្ឍន៍ និង អង្គការ​អន្តរជាតិ​នានា ដែល​បាន​កិច្ចសហប្រតិបត្តិការ​ល្អ ក្នុង​ការ​ចូល រួមចំណែក​ជួយ​ប្រទេស​អភិវឌ្ឍន៍​តិចតួច​, រួម​ទាំង​កម្ពុជា​ផង​ដែរ​, ចាប់ផ្តើម​តាំងពី​ការចរចា​ចូល​ជា​សមាជិក​នៃ អង្គការ​ពាណិជ្ជកម្ម​ពិភពលោក រហូតមកដល់​បច្ចុប្បន្ន​នេះ ។ សម្រាប់​កម្ពុជា ចក្ខុវិស័យ​របស់​យើង គឺ​ការ​ប្រែក្លាយ​កម្ពុជា​ឱ្យទៅ​ជា​ប្រទេស​មាន​ចំណូល​មធ្យម​កម្រិត​ខ្ពស់ នៅ​ឆ្នាំ ២០៣០ និង ជា​ប្រទេស​មាន​ចំណូល​ខ្ពស់​នៅ​ឆ្នាំ​២០៥០ ។ ដើម្បី​ឱ្យ​កម្ពុជា​សម្រេចបាន​នូវ​គោល​- ដៅ​នេះ ក៏ដូចជា​ដើម្បី​ជួយ​ដល់​ប្រទេស​អភិវឌ្ឍន៍​តិចតួច ឱ្យ​ឤ​ច​ចាកចេញ​ពី​ភាពក្រីក្រ​បាន​ឆាប់រហ័ស ស្រប​តាម​គោលដៅ​អភិវឌ្ឍន៍​ប្រកបដោយ​ចីរភាព ឆ្នាំ ២០៣០ សម្តេច​សូម​អំពាវនាវ​ដល់​បណ្តា​រដ្ឋ​ជា​សមាជិក និង​ដៃគូ​អភិវឌ្ឍន៍​ទាំងអស់ ពិចារណា​ផ្តល់​ការឧបត្ថម្ភ​គាំទ្រ​បន្តទៀត តាម​វិស័យ​សំខាន់​មួយ​ចំនួន ដូចខាងក្រោម ៖
១) ការពង្រឹង​ភាព​ប្រកួតប្រជែង​របស់​បណ្តា​ប្រទេស​អភិវឌ្ឍន៍​តិចតួច និង​ជួយ​គាំទ្រ​ដល់​កម្មវិធី និង​ដំណើរការ​ចាកចេញ​ពី​ប្រទេស​អភិវឌ្ឍន៍​តិចតួច​
២) ការបន្ត និង​បង្កើន​ការផ្តល់​ភាពអនុគ្រោះ​នានា តាមរយៈ​ប្រព័ន្ធ​ពាណិជ្ជកម្ម​ពហុភាគី ឬ ឯកតោ​ភាគី ហើយ​សូម​ធ្វើការ​ពិចារណា​ឱ្យបាន​ដិត​ដល់​មុន​នឹង​ដាក់​វិធានការ​ព្យួរ ឬ​ដក​ចេញ​នូវ​ភាពអនុគ្រោះ​ពី​ប្រទេស​អភិវឌ្ឍន៍​តិចតួច ញ្រេះ​ការព្យួរ ឬ ដក​ចេញ​នេះ នឹង​ធ្វើឱ្យ​ប្រទេស​ទាំងនោះ មិនឤ​ច​ជួយ​ពិភពលោក ឱ្យ​សម្រេចបាន​នូវ​គោលដៅ​អភិវឌ្ឍន៍​ប្រកបដោយ​ចីរភាព និង​មិនឤ​ច​ជួយ​ពួកគេ​ឱ្យ​ចាកចេញ​ពី​ឋានៈ​ជា​ប្រទេស​អភិវឌ្ឍន៍​តិចតួច​បានឡើយ ដែល​ចលនា​នេះ គឺជា​ដំណើរ​ផ្ទុយ​ទាំងស្រុង​ទៅនឹង​គោលការណ៍​របស់​អង្គការសហប្រជាជាតិ និង អង្គការ​ពាណិជ្ជកម្ម​ពិភពលោក ។​៣)​ការ​សាង​សមត្ថភាព ដើម្បី​ទាញយក​ផលប្រយោជន៍​ពី​ប្រភព​កំណើន​ថ្មី​, ជាពិសេស ផ្នែក​សេវាកម្ម និង ការទទួលយក​បដិវត្ត​ឧស្សាហកម្ម​ទី​៤ ដើម្បី​ទាញយក​ផលប្រយោជន៍​ដែលឤ​ចទ​ទួលបាន​ពី​សេដ្ឋកិច្ច​ឌីជីថល ។​
៤)​ការរៀបចំ​យុទ្ធសាស្ត្រ​ធ្វើ​ពិពិធ​កម្ម​សេដ្ឋកិច្ច និង ផលិតផល​ចម្រុះ សំដៅ​បង្កើន​ការនាំចេញ ដែល​ជា​ប្រភព​ចំណូល​សម្រាប់​លើកកម្ពស់​សុខមាលភាព និង ការងារ​ដល់​ស្ត្រី ។​
៥)​ការតភ្ជាប់​គោលនយោបាយ​, យុទ្ធសាស្ត្រ និង ចក្ខុវិស័យ​នានា របស់​ប្រទេស​អភិវឌ្ឍន៍​តិចតួច ជាមួយនឹង​ការវិវត្តិ​សេដ្ឋកិច្ច​តំ​បន់ និង​ពិភពលោក ។​
៦)​ការបង្កើត​ន​វា​នុវត្ត និង​ជំរុញ​លើ​កម្ពស់​ការអនុវត្ត​ថ្មីៗ តាមរយៈ​កៀងគរ​ហិរញ្ញប្បទាន​បន្ថែម​ពី​ដៃគូ​អភិវឌ្ឍន៍ និង វិស័យ​ឯកជន ក្រោម​ក្របខ័ណ្ឌ​នៃ​កិច្ចប្រជុំ​នេះ និង​កិច្ចប្រជុំ​ផ្សេងទៀត ។​
៧)​ការ​បន្ត​ផ្តល់​ជំនួយ​នានា សម្រាប់​ការកែទម្រង់ និង សម្រាប់​ការគាំទ្រ​ដល់​ការអនុវត្ត​កិច្ចព្រមព្រៀង​សម្រួល​ពាណិជ្ជកម្ម​, ពិសេស​លើ​ការងារ​កែទម្រង់​លិខិត​បទដ្ឋាន​គតិយុត្តិ​នានា ។​

​នៅក្នុង​ឱកាស​នោះ​ផងដែរ សម្តេច​តេជោ​នាយករដ្ឋមន្ត្រី ក៏​បាន​ប្រកាស​ដាក់​ឱ្យ​ប្រើ​ប្រាស់ យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា​ឆ្នាំ​២០១៩-២០២៣ ចាប់ពី​ថ្ងៃនេះ​តទៅ និង​ប្រកាស​បើក​កម្មវិធី ការត្រួតពិនិត្យ​ឡើងវិញ​ជា​សកល​-​លើក​ទី​៧​ស្តី​ពី​ជំនួយ​សម្រាប់​ពាណិជ្ជកម្ម​២០១៩ ជា​ផ្លូវការ ចាប់ពី​ពេលនេះ​តទៅ ៕
​ដោយ ៖​សហការី​

You might like

Leave a Reply

Your email address will not be published. Required fields are marked *