បាត់ដំបង÷ព្រឹកថ្ងៃអង្គារ ទី៦ ខែ កញ្ញា ឆ្នាំ២០២២ លោកឧត្តមេសនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជានៃស្នងការដ្ឋាននគរបាល ខេត្តបាត់ដំបង បានអញ្ជេីញដឹកនាំកងកម្លាំងនគរបាល គោរពវិញ្ញាណក្ខន្ធ និងនាំយកថវិកាសមាគមមិត្តនគរបាលជាតិ កម្ពុជាប្រគល់ជូនដល់ក្រុមគ្រួសារសព លោកប៉ែន រិទ្ធី អតីតស្នងការរងនៃស្នងការដ្ឋាននគរបាលខេត្តបាត់ដំបង ដែលលោកបានទទួលមរណភាព កាលពីរាត្រីថ្ងៃទី៣ ខែកញ្ញា ឆ្នាំ២០២២ វេលាម៉ោង០៣ៈ០០នាទីទៀបភ្លឺឈានចូលថ្ងៃទី៤ ខែ កញ្ញា ឆ្នាំ២០២២ ដោយរោគាពាធ ក្នុងជន្មាយុ ៦៦ឆ្នាំ ហេីយសពកំពុងតម្កល់ធ្វេីបុណ្យតាមប្រពៃណីនៅគេហដ្ឋាននៃសព ស្ថិតនៅភូមិដង្កោទាប សង្កាត់ទួលតាឯក ក្រុងបាត់ដំបង ខេត្តបាត់ដំបង ។ -ឆ្លៀតក្នុងឱកាសនោះលោកវរសេនីយ៍ឯក ឆម សុខុម នាយការិយាល័យអន្តរាគមន៍ និងតម្រួតបទបញ្ជា បានដឹកនាំកម្លាំងបាននាំយកថវិកាមួយចំនួន ដែលបានមកពីបងប្អូនក្នុងការិយាល័យ ចូលរួមរំលែកទុក្ខ ជូនដល់ក្រុមគ្រួសារសពនេះផងដែរ៕
