ក្រុមតាលីបង់ បានធ្វើឲ្យសិស្សស្រីៗស្រក់ទឹកភ្នែក ដោយសារតែការ ពន្យាពេល និងការហាម ប្រាមពួកគេមិន ឱ្យចូលសាលា

(បរទេស)៖ រដ្ឋាភិបាលតាលីបង់ របស់ប្រទេស អាហ្វហ្គានីស្ថាន បានប្រកាសកាល ពីថ្ងៃពុធម្សិលម៉ិញនេះថា សាលានឹងនៅតែ បន្តបិទទ្វារដល់កុមារី អានុវិទ្យាល័យនៅទូទាំង ប្រទេសរហូតដល់ផែន ការមួយត្រូវបាន បង្កើតឡើងដែលនឹង អនុញ្ញាតឱ្យការសិក្សា របស់ពួកគេបន្តឡើងវិញ ស្របតាមច្បាប់អ៊ីស្លាម Sharia និងវប្បធម៌ អាហ្វហ្គានីស្ថាន។

ដំណឹងនេះបានកើតឡើង និងបានធ្វើឱ្យមានការ ភ្ញាក់ផ្អើលមួយ បន្ទាប់ពីមានការ ចង្អុលបង្ហាញមុន នេះពីក្រសួងអប់រំ របស់ប្រទេសថា កុមារអាហ្វហ្គានីស្ថាន ទាំងអស់នឹងអាចត្រឡប់ ទៅថ្នាក់រៀនវិញ ហើយវាបានធ្វើឱ្យ សិស្សជាច្រើន ស្រក់ទឹកភ្នែក។

លោក Aziz Ahmad Rayan អ្នកនាំពាក្យ ក្រសួងអប់រំ បាននិយាយកាលពីថ្ងៃពុធ នៅក្នុងសន្និសីទសារព័ត៌មានថា សេចក្តីណែនាំស្តី ពីការដឹកនាំរបស់ ពួកតាលីបង់ថា “សាលារៀន និងវិទ្យាល័យ របស់ក្មេងស្រីទាំង អស់លើសពីថ្នាក់ទី 6 គួរតែត្រូវបានជូន ដំណឹងឱ្យផ្អាកមេរៀន របស់ពួកគេរហូតដល់ មានការជូនដំណឹងជាថ្មី។ ផែនការត្រូវបាន អនុលោមតាមវប្បធម៌ អាហ្វហ្កានីស្ថាន និងច្បាប់អ៊ីស្លាម»។

ការសម្រេចចិត្ត រក្សាកុមារីចាស់ៗ ចេញពីសាលារៀន ត្រូវបានធ្វើ ឡើងនៅក្នុងខេត្ត Kandahar ភាគខាងត្បូង ដែលជាស្រុក កំណើតរបស់ ពួកតាលីបង់ នៅក្នុងកិច្ចប្រជុំថ្នាក់ ដឹកនាំជាន់ខ្ពស់មួយ នៅចំពោះមុខមេដឹក នាំកំពូលតាលីបង់ Mullah Haibatullah Akhundzada នេះបើយោងតាម រដ្ឋមន្ត្រីតាលីបង់ ដែលបានចូលរួម ពិភាក្សា។

នៅព្រឹកថ្ងៃពុធ សិស្សវិទ្យាល័យ ជាស្ត្រីក្នុងឯកសណ្ឋាន សខ្មៅបាននាំគ្នាទៅ សាលារបស់ពួកគេ នៅទូទាំងរាជធានី ដោយភាពរីករាយ និងរំភើបបន្ទាប់ពី ការបិទសាលាអស់រយៈ ពេលជាច្រើនខែ ដោយសារជំងឺរាត ត្បាតកូវីដ និងការកាន់កាប់ របស់ពួកតាលីបង់។

និស្សិតស្រីម្នាក់ ក្នុងចំណោមសិស្ស ស្រីដដៃទៀតបាន និយាយថា «ពេលខ្ញុំបានឮ ដំណឹងបើក សាលាឡើងវិញ ខ្ញុំយំដោយក្តីរំភើប យ៉ាងខ្លាំង ប៉ុន្តែថ្ងៃនេះខ្ញុំ សោកស្ដាយ»។ និស្សិតស្រីម្នាក់បាន និយាយប្រាប់ TOLO News ជាមួយនឹង ដំណក់ទឹកភ្នែកថា “តើខ្ញុំគួរនិយាយអ្វី? ខ្ញុំមិនអាច និយាយអ្វីបានទេ។ អ្វីដែលត្រូវធ្វើ ជាមួយពួកគេ” ។ សំដៅទៅលើពួកតាលីបង់។

ក្មេងស្រីម្នាក់ទៀត ត្រូវបានថតនៅក្នុង ឯកសណ្ឋានសាលា របស់នាងដោយយំ ហើយនិយាយថា “ពួកគេមិនបានឱ្យខ្ញុំ ចូលសាលាថ្ងៃនេះទេ។ ពួកគេនិយាយថា ក្មេងស្រីមិនត្រូវ បានអនុញ្ញាតឱ្យ ចូលសាលា”។

សិស្សម្នាក់ទៀត បាននិយាយទាំង ទឹកភ្នែកថា “ខ្ញុំភ្ញាក់ពីគេង រហូតដល់ម៉ោង 2 ទៀបភ្លឺ ដើម្បីរៀបចំចូលរៀន ខ្ញុំភ្ញាក់ពីគេងយឺត ហើយសប្បាយ ចិត្តខ្លាំងណាស់ ត្រឡប់មកសាលាវិញ ប៉ុន្តែដល់សាលា ខ្ញុំឃើញនាយក សាលាខ្ញុំយំ។ ពេលឮដំណឹងទាំងអស់ សិស្សចាប់ផ្ដើមយំ ខ្ញុំមិនបានរង់ ចាំរឿងនេះទេ ហើយខ្ញុំពិតជា ខកចិត្តណាស់»។

ការអប់រំសម្រាប់ក្មេង ស្រីគឺជាការទាមទារ ដ៏សំខាន់មួយរបស់ សហគមន៍អន្តរជាតិ ជាថ្នូរនឹងការរៀបចំ ឡើងវិញនាពេល អនាគតរបស់ពួក តាលីបង់ជារដ្ឋាភិបាល។ ពួកតាលីបង់បាន គ្រប់គ្រងប្រទេស អាហ្វហ្គានីស្ថាន ដោយកម្លាំងកាល ពីថ្ងៃទី 15 ខែសីហា ឆ្នាំ២០២១ នៅពេលដែល ប្រធានាធិបតីជំនាន់ នោះ Ashraf Ghani បានភៀសខ្លួន ចេញពីប្រទេស ប៉ុន្តែគ្មានប្រទេស ណាមួយទទួល ស្គាល់ជាផ្លូវការ ចំពោះរដ្ឋាផិបាល តាលីបង់នោះទេ។

លោក Mohamed Ag Ayoya តំណាងអង្គការ UNICEF ប្រចាំប្រទេស អាហ្វហ្គានីស្ថាន បាននិយាយថា គាត់មាន “ការព្រួយ បារម្ភយ៉ាងខ្លាំង” ហើយបានហៅវាថាជា “ការបំផ្លិចបំផ្លាញ សម្រាប់ក្មេងស្រី” ។

លោក Ayoya បាននិយាយ នៅក្នុងធ្វីតធឺថា “យើងបានគូសបញ្ជាក់ ដល់ពួកតាលីបង់នូវ ភាពបន្ទាន់នៃ ការបើកសាលារៀន សម្រាប់កុមារទាំង អស់ដោយមិនបង្អង់យូរ” ។ នៅក្នុងសេចក្តីថ្លែង ការណ៍មួយ បេសក កម្មរបស់អង្គការ សហប្រជាជាតិ នៅក្នុងប្រទេស អាហ្វហ្គានីស្ថាន បាននិយាយថា ខ្លួនមិនពេញចិត្តចំពោះ សេចក្តីប្រកាសដែល បានរាយការណ៍នៅថ្ងៃនេះ ដោយពួកតាលីបង់ ដែលថាពួកគេកំពុង បន្តការហាមឃាត់ មិនកំណត់របស់ពួក គេលើសិស្សស្រី លើសពីថ្នាក់ទី 6 ដែលត្រូវបានអនុញ្ញាត ឱ្យចូលរៀន វិញនោះទេ។

អគ្គលេខាធិការ អង្គការសហ ប្រជាជាតិលោក Antonio Guterres បានហៅការ សម្រេចចិត្តរបស់ ពួកតាលីបង់នេះថា “ធ្វើឱ្យអាហ្វហ្គានី ស្ថានខកចិត្តយ៉ាងខ្លាំង” ហើយគាត់បានជំរុញ ឱ្យមេដឹកនាំអាហ្វហ្គានី ស្ថានផ្លាស់ ប្តូរឥរិយាបថ “ដោយមិនពន្យារពេល” ៕ ប្រភព៖CNN