(ខេត្តបន្ទាយមានជ័យ)៖ ជនជាតិថៃ២នាក់ លួចជក់គ្រឿងញៀនយ៉ាង សកម្មត្រូវបានកំលាំង អាវុធហត្ថក្រុងប៉ោយ ប៉ែត១ក្រុមដឹកនាំដោយ លោក វរសេនីយ៍ត្រី នួន នីណារ៉ូ មេបញ្ជាការ មូលដ្ឋាន អាវុធហត្ថ ក្រុងប៉ោយប៉ែត បានដឹកនាំកម្លាំងចុះ បង្ក្រាបបានជនជាតិថៃ បានចំនួន២នាក់ដក ហូតវត្ថុតាងរួមមាន ម្សៅក្រាមពណ៌សថ្លា ចំនួន៤កូនថង់ ស្មើ ៣,៩៤ក្រាម ឧបករណ៍សម្រាប់ ប្រើប្រាស់ វិចខ្ចប់គ្រឿងញៀន និងសម្ភារៈមួយចំនួននៅ វេលាម៉ោង១និង០០នាទី ថ្ងៃទី១៩ ខែ សីហា ឆ្នាំ២០២០ ក្រោយពីទទួលបាន ព័ត៍មានពីប្រជាពលរដ្ឋថា មានអ្នកជក់ថ្នាំញៀន នៅចំណុចផ្ទះសំណាក់ មួយកន្លែង ជាន់ទី៥ បន្ទប់លេខ៥២ ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកនួន នីណារ៉ូ បានឲ្យដឹងថាជនសង្ស័យ ១ឈ្មោះ សុត សុផនវិឆាណាំឡុង ភេទប្រុស អាយុ៣៨ឆ្នាំ ជនជាតិថៃ ២ឈ្មោះ សាក់កាចន តាផែវ ភេទប្រុស អាយុ៤៦ឆ្នាំ ជនជាតិថៃ អ្នកទាំងពីរមុខរបរមិនពិតប្រាកដ ស្នាក់នៅផ្ទះសំណាក់ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ជនសង្ស័យទាំងពីរនាក់ ក្រោយពីបញ្ជូនមកទី បញ្ជាការកងរាជអាវុធ ហត្ថខេត្តបន្ទាយមានជ័យ រួចមកបាន ឆ្លើយសារភាពថា ខ្លួនគេពិតជាបាន ទិញគ្រឿងញៀន មកទុកសម្រាប់ជក់ ពិតប្រាកដមែន ដោយបានចម្លើយសារភាព នឹងមានវត្ថុតាងផងនោះ កម្លាំងជំនាញ គ្រឿងញៀនអាវុធហត្ថ ខេត្តបញ្ជូនជន សង្ស័យទាំងពីរនាក់ រួមនឹងវត្ថុតាងទៅ សាលាដំបូងខេត្ត ចាត់ការតាមច្បាប់៕