(ខេត្តកំពត)៖ នារាត្រីថ្ងៃចន្ទ ទី២៤ ខែកុម្ភៈ ឆ្នាំ២០២០ លោក ជាវ តាយ អភិបាលនៃគណៈអភិបាលខេត្តកំពត បានរៀបចំពិធី ទទួលទានអាហារ សាមគ្គីជូនសិក្ខាកាម ដែលអញ្ជើញមកពី ២៥រាជធានី ខេត្ត ដើម្បីចូលរួមសិក្ខា សាលាបូកសរុប លទ្ធផលការងារ ឆ្នាំ២០១៩ និងលើកទិសដៅ សកម្មភាពការងារឆ្នាំ២០២០ នៃការអនុវត្តការងារ ច្រកចេញចូលតែមួយ និងការិយាល័យ ប្រជាពលរដ្ឋ នៅរដ្ឋបាលថ្នាក់ក្រោមជាតិ រយៈពេលពីរថ្ងៃ ពីថ្ងៃទី២៤ ដល់ថ្ថៃទី២៥ ខែកុម្ភៈ ឆ្នាំ២០២០នេះ។
ថ្លែងទៅកាន់សិក្ខា កាមនារាត្រីនេះ លោក ជាវ តាយ បានមានប្រសាសន៍ថា ថ្ងៃនេះជាពេលវេលាប្រកបដោយ សេចក្តីសោមនស្ស រីករាយក្រៃលែង ដែលក្រសួងមហា ផ្ទៃផ្តល់កិត្តិយសជ្រើស រើសយកខេត្តកំពត ជាម្ចាស់ផ្ទះរៀបចំ សិក្ខាសាលាបូក សរុបលទ្ធផល ការងារឆ្នាំ២០១៩ និងលើកទិសដៅ សកម្មភាពការ ងារឆ្នាំ២០២០ នៃការអនុវត្ត ការងារច្រកចេញ ចូលតែមួយ និងការិយាល័យ ប្រជាពលរដ្ឋ នៅរដ្ឋបាលថ្នាក់ ក្រោមជាតិនាពេលនេះ។
ក្នុងនាមថ្នាក់ដឹកនាំខេត្តកំពត និងក្នុងនាមខ្លួនខ្ញុំផ្ទាល់ ខ្ញុំសូមស្វាគមន៍យ៉ាងកក់ក្តៅចំពោះវត្តមាន ឯកឧត្តម លោកជំទាវ លោក លោកស្រីទាំងអស់ និងសូមអញ្ជើញ ពិសារភោជនីយហារ ដែលបានរៀបចំជូន ហើយក៏សូមអភ័យ ទោសប្រសិនបើការ ទទួលមិនបានដិដល់ ឬខ្វះខាតក្នុង ប្រការណាមួយ៕