ខេត្តព្រះសីហនុ ៖ យោងតាមរបាយការណ៏ពីនគរបាលឲ្យដឹងថា៖ កាលពីថ្ងៃទី២២មិថុនា២០២២ វេលាម៉ោង ១៣.០០នាទី នៅតាមបណ្តោយផ្លូវជាតិលេខ៤ ចំណុចភ្នំ៩៣ ស្ថិតក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ មានអំពើ លួចមានស្ថានទម្ងន់ទោស (កាប់ប្លន់កាបូបលុយ) បង្ករឡើងដោយជនសង្ស័យចំនួន០២នាក់៖ ១.ឈ្មោះឡាត់ ជីវរ ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិទ្រារ៤ សង្កាត់ស្ទឹងមានជ័យ រាជធានីភ្នំពេញ។
២.ឈ្មោះ យុ ភេទប្រុស អាយុ២៥ឆ្នាំមុខរបរមិនពិតប្រាកដ មានទីលំនៅសង្កាត់បឹងត្របែក ខណ្ឌចំការមន រាជធានីភ្នំពេញ បានធ្វើសកម្មភាពទាញយកកាបូបហើយប្រើច្រវ៉ាក់និងកាំបិតបាំងតោ ដេញកាប់ប្លន់យកកាបូបលុយ របស់ជនរងគ្រោះ២នាក់ប្ដីប្រពន្ធជាអ្នកលក់ដូរ មានទីលំនៅភូមិអូរចំណារ ឃុំអូរឧកញ្ញ៉ាហេង ស្រុកព្រៃនប់ ខេត្តព្រះសីហនុ ពេលជនរងគ្រោះពីរអ្នកប្ដីប្រពន្ធជិះម៉ូតូចេញពីលក់ដូរ ក្នុងតំបន់សេដ្ឋកិច្ចពិសេសបិតត្រាំងត្រឡប់មកផ្ទះវិញ។ ក្រោយពេលធ្វើសកម្មភាពរួចកម្លាំងនគរបាលបានចុះអន្តរាគមន៌និងឃាត់ខ្លួនបានជនសង្ស័យ០១នាក់ឈ្មោះឡាត់ ជីវរ ដកហូតវត្តុតាងរួមមាន៖កាបូបលុយចំនួន០១ លុយដុល្លាចំនួន ១៦៥២$ -លុយខ្មែរចំនួន ១៥៧៦០០៛
– ជញ្ជៀនចំនួន០១វង់។(របស់ជនរងគ្រោះ) កាំបិតបាំងតោចំនួន០១ សម្រាប់ធ្វើសកម្មភាព ច្រវ៉ាក់០១ខ្សែមានកិបសោរម៉ូតូម៉ាកWINNERពណ៏ខ្មៅពណ៌ខ្មៅ គ្មានផ្លាកលេខ០១គ្រឿង ទូរស័ទ្ទ០១គ្រឿងម៉ាកVIVOពណ៏ខៀវ០១គ្រឿង។ (របស់ជនសង្សយ័) រីឯជនសង្ស័យម្នាក់ទៀតឈ្មោះយុ បាន រត់គេចខ្លួនបាត់។ បច្ចុប្បន្ន ជនសង្សយ័ សមត្ថកិច្ចនគរបាលកំពុងកសាងសំណុំរឿងដើម្បីចាត់ការបន្តបញ្ជូនទៅផ្តន្ទាទោសតាមនីតិវិធី ៕
