(ខេត្តបាត់ដំបង)៖ ជនសង្ស័យ២នាក់បាន លួចម៉ូតូគេបានមួយ ដង្ហើមចង្រិត ត្រូវកម្លាំងនគរបាលនៃ ស្នងការនគរបាល ខេត្តបាត់ដំបងសហការ ជាមួយកម្លាំងនគរបាល ក្រុងបាត់ដំបងចុះឃាត់ ខ្លួនបានភ្លាមៗ កាលពីយប់ថ្ងៃទី២០ខែ មិនាឆ្នាំ២០២១វេលា ម៉ោង២២និង២៥នាទី នៅត្រង់ចំណុចភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង។
ប្រភពសមត្ថកិច្ចបាន អោយដឹងថាជនសង្ស័យ ទាំង២នាក់ដែលកម្លាំងជំនាញ ឃាត់ខ្លួនបានទី១ ឈ្មោះ រិទ្ធ រ៉ាម៉ន ភេទប្រុស អាយុ ៣១ ឆ្នាំ មានទីលំនៅ ភូមិចម្លងរមាំងក្រោម ឃុំអូរសំរិល ស្រុកសំឡូត ខេត្តបាត់ដំបងទី២ឈ្មោះ ឡាយ សំណាង ភេទប្រុស អាយុ ៣៨ ឆ្នាំ មានទីលំនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។
ចំណែកជនរង គ្រោះមានឈ្មោះ នង ពុទ្ធី ភេទប្រុស អាយុ ២៤ ឆ្នាំ មានទីលំនៅភូមិ អូរតាគាំ៣ សង្កាត់ទួលតាឯក ក្រុងបាត់ដំបង ខេត្តបាត់ដំបង បានបាត់ម៉ូតូ ០១ គ្រឿង ម៉ាក ហុងដា ZOOMER X ពណ៌ ខ្មៅ ទឹកក្រូច ស៊េរីឆ្នាំ ២០១៧ ពាក់ស្លាកលេខ បាត់ដំបង 1AJ 2149នឹងបានប្តឹងសមត្ថកិច្ច អោយជួយអន្តរាគមន៍ ភ្លាមៗផងដែរ។
លោកវរសេនីយ៍ឯក ឈឿង គឹមសុងនាយការិយាល័យ នគរបាលព្រហ្មទណ្ឌកម្រិត ស្រាលបានប្រាប់ អ្នកយកព័ត៌មាន យើងអោយដឹងផងដែរ ថាដោយមានការណែនាំពីលោក ឯកឧត្តឧត្តមសេនីយ៍ទោ សាតគឹមសានស្នងការ នគរបាលខេត្តបាត់ដំបង និងមានការចង្អុលបង្ហាញ ពីលោកវរសេនីយ៍ឯក លឹមពុទ្ធីឡា ស្នងការផែនការងារ នគរបាលព្រហ្មទណ្ឌហើយ លោកបានដឹកនាំ កម្លាំងក្រុមអន្តរាគមន៍ បង្ការ បង្ក្រាប ចុះស្រាវជ្រាវនិង បង្ក្រាបករណី លួចយកម៉ូតូ ក្នុងករណីជាក់ស្ដែង នឹងបានធ្វើការនាំ ខ្លួនជនសង្ស័យ ចំនួន ០២ នាក់ ។
លោកបានបន្តទៀតថា នៅចំពោះមុខសមត្ថកិច្ច ជនសង្ស័យបានសារភាព ថាខ្លួនពិតជាបានធ្វើ សកម្មភាពលួចម៉ូតូ ជនរងគ្រោះខាងលើ ពិតប្រាកដមែនបំណងយក ទៅលក់យកលុយមកចែកគ្នា។
បច្ចុប្បន្នជនសង្ស័យ ទាំង២នាក់ខាងលើត្រូវបាន កម្លាំងសមត្ថកិច្ចនាំខ្លួនមក កាន់ស្នងការរដ្ឋាននគរ បាលខេត្តបាត់ដំបងដើម្បីធ្វើការ សាកសួរនិងកសាងសុំនុំរឿង បញ្ជូនទៅតុលាការ ដើម្បីចាត់ការបន្តរទៅ តាមនិតិវិធីច្បាប់៕ ដោយលោកសឿន វ៉ាន់ម៉ានលី