ពលរដ្ឋខ្មែរជាង ១០នាក់បម្រុងឆ្លងដែនខុសច្បាប់ទៅប្រទេសថៃ តាមស្រុកម៉ាឡៃត្រូវបានកម្លាំងប៉ុស្តិ៍នគរបាល ស្វាយព្រៃ វរៈការពារព្រំដែនគោក លេខ ៨១៥ ឃាត់ខ្លួនបាន

បន្ទាយមានជ័យ÷ពលរដ្ឋខ្មែរជាង ១០នាក់បម្រុងឆ្លងដែនទៅប្រទេសថៃ តាមស្រុកម៉ាឡៃត្រូវបានកម្លាំងប៉ុស្តិ៍នគរបាល ស្វាយព្រៃ វរៈការពារព្រំដែនគោកលេខ ៨១៥ឃាត់ខ្លួនបានចំនួន ៥ នាក់ ស្ថិតក្នុងភូមិកណ្ដោល ឃុំអូស្រឡៅ ស្រុកម៉ាឡៃ ខេត្តបន្ទាយមានជ័យ នៅវេលាម៉ោង១១ៈ២៨ ថ្ងៃទី១៤ ខែកក្កដា ឆ្នាំ ២០២៥ ចំណែកអ្នកសេសសល់បានរត់គេចខ្លួនរួច។

ក្រោយពីទទួលបានការណែនាំរបស់លោកឧត្តមសេនីយ៍ទោ សិទ្ធិ ឡោះ ស្នងការដ្ឋាននគរបាលខេត្តបន្ទាយមានជ័យ លោកវរសេនីយ៍ឯក សួង សៅ មេបញ្ជាការវរការពារព្រំដែនគោក ៨១៥  បានដាក់បទបញ្ជាយ៉ាងមុឺងម៉ាត់ ដល់កងកម្លាំងតាមព្រំដែន ទប់ស្កាត់រាល់បទល្មើស  ឆ្លងដែនគ្រប់ប្រភេទ  តាមខ្សែរបន្ទាត់ព្រំដែន មិនឱ្យកើតមាន។

កម្លាំងប៉ុស្តិ៍នគរបាលការពារព្រំដែនគោក ស្វាយព្រៃ បានធ្វើការបង្ក្រាបទប់ស្កាត់ពលរដ្ឋឆ្លងដែនខុសច្បាប់ជាបន្តបន្ទាប់ រហូតមកដល់ថ្ងៃទី ១៤ ខែកក្កដា ឆ្នាំ២០២៥នេះ បានធ្វើការឃាត់ខ្លួនពលរដ្ឋបាន ៥នាក់បន្ថែមទៀតដែលបម្រុងលួចឆ្លងដែន ទៅប្រទេសថៃ។
ចំណែកឯរថយន្ត highlander ពាក់ស្លាកលេខ ភ្នំពេញ( 2M-4967) ដែលដឹកពលរដ្ឋខ្មែរយកទៅទម្លាក់ឱ្យមេខ្យល់បានបើករត់បាត់ស្រមោល។

ក្រោយពីនគបាលការពារព្រំដែនប៉ុស្តិ៍ ស្វាយព្រៃ សួនាំរួចបានបញ្ជូនបន្ត ទៅ ប៉ុស្តិ៍នគរបាល ឃុំអូរស្រឡៅ ដើម្បីសួនាំបន្តតាមនិតិវិធី៕ 
ផ្សាយដោយអង្គភាពប្រម៉ាញ់ជាយដែន PMC news