(ខេត្តរតនគិរី)៖ កម្លាំងអាវុជហត្ថ ស្រុកកូនមុំចុះ បង្ក្រាបគោយន្តកន្ត្រៃ សណ្តោងរ៉ឺម៉កមួយ គ្រឿងនិងលួចដឹកឈើ គ្រឿងផ្ទះខុសច្បាប់ និងឃាត់ខ្លួនអ្នក បើកបរបានម្នាក់ កាលពីព្រលប់ថ្ងៃ ទី២៨ខែវិច្ចិកាឆ្នាំ២០១៩ វេលាម៉ោង១៩និ៤០ នាទីនៅត្រង់ ចំណុចផ្លូវលំក្រុមហ៊ុន ហ័ងអាញ់យ៉ាឡាយ (វៀតណាម) ស្ថិតនៅក្នុងភូមិ៣ ឃុំស្រែអង្គ្រង ស្រុកកូនមុំ ខេត្តរតនគិរី។
យោងតាមរបាយ ការណ៍ពីអាវុធហត្ថខេត្ត បានឲ្យដឹងថា ក្នុងប្រតិបត្តិការចុះចាប់ គោយន្តដឹកឈើនោះ មាន កម្លាំងអាវុធហត្ថស្រុក និងស្នាក់ការលេខ៧៨៩ ចំនួន៧នាក់ ដឹកនាំដោយ លោកវរសេនីយ៍ត្រី រស់ វណ្ណា មេបញ្ជាការអាវុធហត្ថ ស្រុកកូនមុំ បានធ្វើការបង្ក្រាប ជាក់ស្ដែងការដឹក ផលនុផលព្រៃ ឈើដោយគ្មាន ការអនុញ្ញាត។
ក្រោយពីធ្វើការ បង្ក្រាប ក្នុងនោះមានឈើក្ដារ ប្រភេទលេខ២ ចំនួន១៧៥សន្លឹក ស្មើនឹង២,០៨០០ម៉ែត្រគូប គោយន្តកន្ត្រៃ ភ្ជាប់រ៉ឺម៉កចំនួន១គ្រឿង និងម្ចាស់គោយន្តកន្ត្រៃ ត្រូវបានកម្លាំងអាវុធ ហត្ថស្រុកធ្វើការឃាត់ ខ្លួនប្រគល់វត្ថុតាង និងមនុស្សទៅ ឲ្យជំនាញរដ្ឋបាលព្រៃឈើ ដើម្បីចាត់ការបន្តតាម នីតិវិធីច្បាប់ព្រៃ ឈើផងដែរ៕
