(ក្រុងប៉ោយប៉ែត) ៖ លោកអភិបាលខេត្តស្រះកែវ នៃព្រះរាជាណាចក្រថៃឡង់ដ៍ បានស្នើសុំដល់ចៅហ្វាយខេត្ត បន្ទាយមានជ័យ ក្នុងរយៈពេលពីរថ្ងៃ គឺចាប់ពីថ្ងៃទី៣០ ដល់ថ្ងៃទី៣១ ខែធ្នូ ឆ្នាំ២០១៩ ដើម្បីឲ្យប្រជាពលរដ្ឋ នៃប្រទេសទាំងពីរ បានធ្វើដំណើរកម្សាន្ត ឆ្លងកាត់ទៅមក ដោយគ្មានការត្រួត ពិនិត្យអ្វីទាំងអស់ រហូតដល់ពេល យប់ថ្ងៃឆ្លងឆ្នាំ ចប់សព្វគ្រប់ ទើបដំណើរការ បិទច្រកដូចធម្មតា ឡើងវិញ តែលោកអភិបាល ខេត្តបន្ទាយមានជ័យ ក៏បានឆ្លើយ តបទៅវិញថា លោកនឹងសុំគោល ការណ៍ទៅក្រសួងមហាផ្ទៃ ដើម្បីសម្រេចសិន។
សូមបញ្ជាក់ថា នៅល្ងាចថ្ងៃទី២៧ ខែវិច្ឆិកា ឆ្នាំ២០១៩ នេះ អាជ្ញាធរខេត្តស្រះកែវ និងខេត្តបន្ទាយមានជ័យ បានរួមគ្នាធ្វើពិធី សំណេះសំណាលដើម្បី រឹតចំណងសម្ព័ន្ធមេត្រីភាព នៃកិច្ចសហប្រតិ បត្តិការរវាងខេត្តទាំងពីរ គឺ ខេត្តបន្ទាយមានជ័យ នៃព្រះរាជាណាចក្រកម្ពុជា និងខេត្តស្រះកែវរាជា ណាចក្រថៃឡង់ដ៍ ដែលពិធីសំណេះ សំណាលនេះ ធ្វើឡើងនៅក្នុងសាលា ខេត្តបន្ទាយមានជ័យតែម្ដង។
ទាក់ទិនទៅនឹង ខ្លឹមសារក្នុងពិធីសំណេះ សំណាលនេះ លោកអភិបាលខេត្ត ស្រះកែវបានលើកឡើង ពាក់ព័ន្ធទៅនឹង ចំណងមិត្តភាព កម្ពុជា-ថៃ ជាពិសេស គឺចំណងមិត្តភាពរវាង ខេត្តបន្ទាយមានជ័យ និងខេត្តស្រះកែវប្រទេសថៃតែម្តង។
លោកបានអះអាងថា ដើម្បីឲ្យប្រជាពលរដ្ឋ នៃប្រទេសទាំងពីរ មានភាពស្និទ្ធស្នាល ជាមួយគ្នាតទៅទៀតនោះ លោកសំណូមពរ ដល់លោកអភិបាល ខេត្តបន្ទាយមានជ័យ ដោយសុំរយៈ ពេល២ថ្ងៃតែប៉ុណ្ណោះ គឺ ថ្ងៃទី៣០ និងថ្ងៃទី ៣១ ខែធ្នូ ឆ្នាំ២០១៩ ដែលត្រូវនឹងថ្ងៃឆ្លង ឆ្នាំនាខាងមុខនេះ ដើម្បីឲ្យប្រជាពលរដ្ឋ នៃប្រទេសជិតខាង ភូមិផងរបងនឹងគ្នា ចូលទៅលេងកម្សាន្ត តាមសប្បាយរហូត ទៅដល់ម៉ោង២រំលងអធ្រាត្រ ទើបយើងបិទ ច្រកទ្វារអន្តរជាតិវិញ។
លោកអភិបាល ខេត្តស្រះកែវបានបន្តទៀតថា នេះគ្រាន់តែដាក់ សំណើមុនតែប៉ុណ្ណោះ ប៉ុន្តែបើខាងកម្ពុជាយល់ព្រម លោកក៏សប្បាយចិត្តដែរ ព្រោះអី លោកចង់បានប្រជាពលរដ្ឋ នៃប្រទេសទាំងពីរ បានចូលរួមអបអរ សាទរក្នុងឆ្នាំថ្មី២០២០រួមគ្នានា ពេលខាងមុខនេះ។
ជាមួយគ្នានេះ អភិបាលខេត្តស្រះកែវ ក៏បានសំណូមពរ ដល់លោកអភិបាលខេត្ត បន្ទាយមានជ័យក្នុងប្រទេសកម្ពុជា សូមមេត្តារួសរាន់ផ្ដល់ ដំណឹងជូនគ្នាទៅវិញ ទៅមកឲ្យបានលឿនបំផុត លើសំណើស្នើ សុំរបស់លោកនោះ។
លោកអ៊ុ រាត្រី អភិបាលខេត្ត បន្ទាយមានជ័យ បានឆ្លើយតបវិញថា សំណើនេះ ពិតជាល្អណាស់ លោកអាចទទួលយក បានសម្រាប់ប្រជាពល រដ្ឋនៅក្នុងខេត្ត បន្ទាយមានជ័យ ប៉ុន្តែលោកត្រូវការ ស្នើសុំបន្តទៅរាជរដ្ឋាភិបាល ជាពិសេសពី ក្រសួងមហាផ្ទៃ ដើម្បីសម្រេច នាពេលខាងមុខនេះ ហើយទោះជាយ៉ាងណា លោកនឹងផ្ដល់ដំណឹង ជូនទៅសាលាខេត្តស្រះ កែវនៅដើមខែ ក្រោយនេះតែម្ដង៕
