ខេត្តបាត់ដំបង៖ ដោយអនុវត្តតាមបទបញ្ជាពីសំណាក់លោកឧត្តមសេនីយ៍ទោ(សាតគឹមសាន) ស្នងការនគរបាលខេត្តបាត់ដំបង លោកវរសេនីយ៍ទោ វេ គឹមចត់ បានដឹកនាំកម្លាំងជំនាញនៃអធិការដ្ថាននគរបាលស្រុកកំរៀងចុះប្រតិបត្តិការស្រាវជ្រាវឃាត់ខ្លួនមុខសញ្ញាដុតបំផ្លាញទ្រព្យសម្បត្តិអ្នកដទៃយកមកអនុវត្តតាមនីតិវិធីច្បាប់នៅថ្ងៃសៅរ៍ ត្រូវនឹងទី ១១ខែមិថុនាឆ្នាំ២០២២វេលាម៉ោង១១នឹង០០នាទី និងបាន ឃាត់ខ្លួនជនសង្ស័យ១.នាក់ ឈ្មោះ-គ្រី សុភក្រ្ត ភេទប្រុសអាយុ ៣៤ឆ្នាំរស់នៅភូមិអូរក្រូច ឃុំបឹងរាំង ស្រុកកំរៀងខេត្តបាត់ដំបង មុខរបរ មិនពិតប្រាកដ មកកាន់អធិការដ្ឋាននគរបាលស្រុកកំរៀង ដេីម្បីធ្វេីការសាកសួរ ស្រាវជ្រា។
សូមជម្រាបជូនថា មូលហេតុដែលឈានដល់ការឃាត់ខ្លួននេះគឺកាលពីថ្ងៃទី៦ ខែ មិថុនា ឆ្នាំ២០២២ វេលាម៉ោង២៣និង៣០នាទីនៅចំណុចក្រុមទី១០ភូមិ អូរដាលើឃុំបឹងរាំង ស្រុកកំរៀង ខេត្តបាត់ដំបង មានករណីធ្វើឱ្យខូចខាតដោយចេតនាមួយបានកើតឡើងដែលករណីនេះប្រព្រឹត្តដោយជនសង្ស័យមិនស្គាល់អត្តសញ្ញាណបានធ្វេីសកម្មភាពដុតបំផ្លាញតូបលក់ដូររបស់ ឈ្មោះ-អេង ណាន ភេទប្រុសអាយុ ៤៤ឆ្នាំរស់នៅភូមិអូរដាលើឃុំបឹងរាំងស្រុកកំរៀងខេត្តបាត់ដំបង។
នៅក្រោយពេលកេីតហេតុជនរងគ្រោះបានដាក់ពាក្យបណ្តឹងនៅអធិការដ្ឋាននគរបាលស្រុកកំរៀង ទើបលោកវរសេនីយ៍ទោ វេរគឹមចត់ អធិការ បានបញ្ជាឱ្យកម្លាំងបើកការស្រាវជ្រាវ យ៉ាងយកចិត្តទុកដាក់ទេីបសមត្ថកិច្ចកំណត់មុខសញ្ញាបាននិងឈានដល់ការឃាត់ខ្លួនតែម្តង។ ករណីខាងលើនេះបច្ចុប្បន្នកម្លាំងជំនាញនៃអធិការដ្ថាននគរបាលស្រុកបានកសាងសំណុំរឿងបញ្ជូនមកការិយាល័យជំនាញនៃស្នងការដ្ឋាននគរបាលខេត្តបាត់ដំបងដើម្បីចាត់ការបន្តតាមនីតិវិធី ច្បាប់៕ដោយ លោក សឿនវ៉ាន់ម៉ាន់លី