ខេត្តបាត់ដំបង ៖លោកវរសេនីយ៍ទោ ហេងបារាំងអធិការនគរបាលស្រុកភ្នំព្រឹក សហការជាមួយកម្លាំងសមត្ថកិច្ចស្រុកកំរៀងស្រាវជ្រាវឃាត់ខ្លួន មុខសញ្ញាជនសង្ស័យលួចកាច់សោរម៉ូតូចំនួន២នាក់
កាលពីថ្ងៃ សុក្រ ត្រូវនឹងនៅថ្ងៃទី ១០ ខែ មិថុនា ឆ្នាំ ២០២២ វេលាម៉ោងប្រមាណ១០ និង ០០នាទី នៅ ចំណុចភូមិអូរធំ ឃុំភ្នំព្រឹក ស្រុកភ្នំព្រឹក ខេត្តបាត់ដំបង មានករណីលួចមានស្ថានទម្ងន់ទោស ( កាច់សោរម៉ូតូ ) កើតឡើងចំនួន ០១លើក ដែលបង្កដោយជនសង្ស័យ មិនស្គាល់អត្តសញ្ញាណចំនួន ០២នាក់ ភេទប្រុស ជិះម៉ូតូម៉ាក ឃ្លិច (click) ពណ៌ស មិនស្គាល់ស្លាកលេខ បានធ្វើសកម្មភាព លួចកាច់សោរម៉ូតូ របស់ ជនរងគ្រោះឈ្មោះ សន សែន ភេទប្រុស អាយុ៥៦ឆ្នាំ មានទីលំនៅភូមិបួរ ឃុំបួរ ស្រុកភ្នំព្រឹក ខេត្តបាត់ដំបង ក្នុងខណៈដែលជនរងគ្រោះទុកម៉ូតូនៅក្បែរផ្លូវ ហេីយចូលទៅក្នុងព្រៃនៅទីនោះ។ ម៉ូតូបាត់បង់ម៉ាក Hzonda dream ស៊េរីឆ្នាំ 2017 ពណ៌ខ្មៅពាក់ស្លាកលេខ បន្ទាយមានជ័យ1O- 2423 ។
ពេលធ្វើសកម្មភាពរួច ជនសង្ស័យបាន គេចខ្លួនបាត់តែម្តង ហេីយនៅក្រោយកេីតហេតុជនរងគ្រោះបានប្តឹងពីករណីនេះមកសមត្ថកិច្ចនគរបាល ហេីយរហូតដល់វេលាម៉ោង ១៤និង២០នាទី ថ្ងៃខែឆ្នាំ ដដែលនៅចំណុចភូមិសាមសិប ឃុំតាក្រី ស្រុកកំរៀង ខេត្តបាត់ដំបង អនុវត្តតាមយោបល់បញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានដឹកនាំ កម្លាំងជំនាញផ្នែកយុត្តិធម៌ និងកម្លាំងប៉ុស្តិ៍នគរបាលរដ្ឋបាលភ្នំព្រឹក នៃអធិការដ្ឋាននគរបាលស្រុកភ្នំព្រឹក សហការជាមួយកម្លាំងនគរបាល នៃអធិការដ្ឋាននគរបាលស្រុកកំរៀង ដែលមានលោកវរសេនីយ៍ទោ វេ គឹមចត់ ជាអធិការនគរបាលស្រុក ស្រាវជ្រាវនិងឃាត់ខ្លួនជនសង្ស័យចំនួន ០២នាក់ជាមុខសញ្ញាខាងលេីនោះគឺ៖ ១-ឈ្មោះ ម៉ុន មាយ ភេទប្រុស អាយុ ៣៤ឆ្នាំ មានទីលំនៅភូមិសាមគ្គី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។ ២-ឈ្មោះ ហេង ចាន់ធី ហៅ ង៉ោល ភេទប្រុស អាយុ២៩ឆ្នាំ ស្នាក់នៅភូមិសាមសិប ឃុំ តាក្រី ស្រុកកំរៀង ខេត្តបាត់ដំបង ។ -សមត្ថកិច្ចដកហូតបាន៖ – ម៉ូតូម៉ាក Hzonda dream ស៊េរីឆ្នាំ 2017 ពណ៌ខ្មៅពាក់ស្លាកលេខ បន្ទាយមានជ័យ1O- 2423 (ជាម៉ូតូ របស់ជនរងគ្រោះ ) – ម៉ូតូ មួយគ្រឿងម៉ាក Honda click ពណ៌ស សេរីឆ្នាំ 2022 ពាក់ស្លាកលេខ បាត់ដំបង 1AN-6296 (ជាម៉ូតូរបស់ ជនសង្ស័យជាធ្វើសកម្មភាព) -ទូរស័ព្ទដៃ ០១គ្រឿង( ចាស់) បច្ចុប្បន្ន÷ ជនសង្ស័យទាំង២នាក់ និងវត្ថុតាងខាងលើសមត្ថកិច្ចជំនាញនគរបាលស្រុកភ្នំព្រឹករៀបចំសំណុំរឿងបញ្ជូនមកការិយាល័យជំនាញនៃស្នងការដ្ឋាននគរបាលខេត្តបាត់ដំបងដើម្បីអនុវត្តបន្តតាមនីតិវិធីច្បាប់ ៕
