ខេត្តឧត្ដរមានជ័យ៖ ដោយអនុវត្តតាមបទបញ្ជា ពីលោកឧត្តមសេនីយ៍ទោ ហួត សុធី សស្នងការនគរបាលខេត្តឧត្ដរមានជ័យ នៅថ្ងៃទី០៦ ខែមិថុនា ឆ្នាំ២០២២ វេលាម៉ោង ២៣ និង ៣០នាទី លោកវរសេនីយ៍ទោ ស៊ូ នូវ អធិការនគរបាលស្រុកអន្លង់វែង បានដឹកនាំកម្លាំងអន្តរាគមន៍ ចុះបង្រ្កាបចាប់ឃាត់ខ្លួនមុខសញ្ញាក្មេងទំនើង ចំនួន ២នាក់ ដែលកាន់ដាវ និងកាំបិត បង្កការអុកឡុកដេញវាយកាប់គ្នានៅតាមទីសាធារណៈ ចំណុចសួនមាត់បឹងអូរជីក ស្ថិតនៅភូមិថ្នល់កែង ឃុំ-ស្រុកអន្លង់វែង និងជាមុខសញ្ញាពាក់ព័ន្ធករណីធ្វើឱ្យខូចខាតដោយចេតនា ២ករណី ( កាប់ម៉ូតូអ្នកដ៏ទៃ )
ក្នុងនោះដកហូត ដាវសាមរ៉ៃ ១ កាំបិតកាចែត១ កាំបិតខ្វែវ១ កាំបិតបុ័ងតោ ១ ម៉ូតូ ១គ្រឿង ម៉ាកវ៉េវ RSX ពណ៌ខៀវលាយខ្មៅ សេរីឆ្នាំ២០១៦ គ្មានស្លាកលេខ មានឈ្មោះដូចខាងក្រោម ៖ ១- ឈ្មោះ ឈុន កុសល ភេទប្រុស អាយុ ២៦ឆ្នំា រស់នៅភូមិអូរអង្រែ ឃុំត្រពាំងតាវ ស្រុកអន្លង់វែង ខេត្តឧត្ដរមានជ័យ ២- ឈ្មោះ ទី យូរ៉ា ហៅយូ ភេទប្រុស អាយុ ១៧ឆ្នាំ រស់នៅភូមិស្លែងពណ៌ ឃុំត្រពាំងតាវ ស្រុកអន្លង់វែង ខេត្តឧត្ដរមានជ័យ មុខសញ្ញាក្មេងទំនើងទាំង ២នាក់ខាងលើនេះ បានធ្វើសកម្មភាពកាប់ម៉ូតូជនរងគ្រោះ ចំនួន ២ ករណី ៖ ១- ករណីកាប់ម៉ូតូ នៅចំណុចមុខក្លោងទ្វារវិទ្យាល័យអន្លង់វែង ស្ថិតនៅក្នុងភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្ដរមានជ័យ កាលពីថ្ងៃទី២៧ ខែឧសភា ឆ្នាំ២០២២ វេលាម៉ោង១១ និង ០០ នាទី ជនរងគ្រោះឈ្មោះ ទ្រីម និត ភេទប្រុស អាយុ ១៧ឆ្នាំ រស់នៅភូមិទួលសាលា ឃុំត្រពាំងប្រីយ៍ ស្រុកអន្លង់វែង ខេត្តឧត្ដរមានជ័យ ម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ២០២១ ពាក់ផ្លាកលេខ ឧត្ដរមានជ័យ 1E-2969 បណ្តាលឱ្យខូចខាតស្ទើទាំងស្រុង ២- ករណីកាប់ម៉ូតូ នៅចំណុចខាងកេីតរង្វង់មូលទីរួមស្រុកអន្លង់វែង មុខតូបលក់បាយ ស្ថិតនៅក្នុងភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្ដរមានជ័យ
កាលពីថ្ងៃទី២៩ ខែឧសភា ឆ្នាំ២០២២ វេលាម៉ោង ១៩ និង ៣០ នាទី ជនរងគ្រោះឈ្មោះ ហាន ប៊ុនណាន ភេទប្រុស អាយុ ១៧ឆ្នាំ រស់នៅភូមិថ្មី ឃុំថ្លាត ស្រុកអន្លង់វែង ខេត្តឧត្ដរមានជ័យ ម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ២០១៦ ពាក់ផ្លាកលេខ ឧត្ដរមានជ័យ 1C-5680 បណ្តាលឱ្យខូចខាតស្ទើទាំងស្រុង ជនសង្ស័យ និងវត្ថុតាងខាងលើ កម្លាំងជំនាញនៃអធិការដ្ឋាននគរបាលស្រុកអន្លង់វែងបានកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់ ។
