(ខេត្តបន្ទាយមានជ័យ)៖ នៅព្រឹកថ្ងៃព្រហស្បតិ៍ ១៣ រោច ខែកត្តិក ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី២ ខែធ្នូ ឆ្នាំ២០២១ នេះ គណៈកម្មាធិការគណបក្ស ឃុំអូរស្រឡៅ បានរៀបចំ ពិធីបោះឆ្នោត ស្ទាបស្ទង់ជ្រើសរើស បេក្ខជនរបស់គណបក្ស ប្រជាជនកម្ពុជា សម្រាប់ឈរឈ្មោះ បោះឆ្នោតជ្រើសរើស ក្រុមប្រឹក្សា ឃុំអូរស្រឡៅ អាណត្តិទី៥ ឆ្នាំ២០២២ ។
ពិធីនេះប្រារព្ធឡើង ក្រោមអធិបតីភាព ដ៏ខ្ពង់ខ្ពស់ ឯកឧត្តម សុខ ភាព សមាជិកគណៈ កម្មាធិការកណ្តាល គណបក្ស ប្រជាជនកម្ពុជា និងជាប្រធានក្រុម ការងារយុទ្ធការ ឃោសនាការបោះ ឆ្នោតស្រុកម៉ាឡៃ . ឯកឧត្តម ង៉ោ ម៉េងជ្រួន ប្រធានក្រុមការងារ ចុះជួយស្រុកម៉ាឡៃ និងលោក ស្វាយ ជា ប្រធានគណបក្ស ប្រជាជនស្រុកម៉ាឡៃ។
នៅក្នុងឱកាសនោះ ក៏មានការអញ្ជើញ ចូលរួម ពី ឯកឧត្តម លោក~លោកស្រី ជាប្រធាន អនុប្រធាន ក្រុមការងារ គណបក្សឃុំ ក្នុងស្រុក ~ លោក-លោកស្រី ជា ប្រធាន អនុប្រធាន គណៈកម្មាធិការគណបក្សឃុំ លោក-លោកស្រី អង្គភាពភូមិ សមាជិក សមាជិកា មួយចំនួនផងដែរ ។ ដោយ លោក សឿន វ៉ាន់ម៉ានលី
