(ខេត្តប៉ៃលិន)៖ លោកជំទាវ បាន ស្រីមុំ ប្រធានគណបក្ស ប្រជាជនកម្ពុជាខេត្ត និងជាអភិបាល នៃគណអភិបាលខេត្តប៉ៃលិន បានអញ្ជើញចូលរួម ពិធីលើកទឹកចិត្តមេត្រី ភាពបរិស្ថាន ក្រោប្រធានបទ “រួមគ្នា ដើម្បីមេត្រី ភាពបរិស្ថាន” ជូនដល់ប្រតិបត្តិករ ជានីតិបុគ្គល និងរូបវន្តបុគ្គលឆ្នើម សរុបចំនួន២៣០រូប ក្រោមអធិបតីភាព ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ដែលពិធីនេះ បានប្រារព្ធធ្វើឡើង នៅទីស្តីការ ក្រសួងបរិស្ថាន រាជធានីភ្នំពេញ។ ឮ
ប្រភពព័ត៌មានបានឱ្យដឹងថា នៅឆ្នាំ២០២១នេះ ប្រតិបត្តិករ មេត្រីភាពបរិស្ថានឆ្នើម សរុបចំនួន២៣០នាក់ ដែលទទួលបានប័ណ្ណ សរសើរមេត្រីភាពបរិស្ថាន គឺមកពីចម្រុះវិស័យ រួមមានជាអាទិ៍ ៖ ទី១. នីតិបុគ្គល ដូចជាក្រុមហ៊ុន ផលិតភេសជ្ជៈ ក្រុមហ៊ុនទូរស័ព្ទចល័ត ក្រុមហ៊ុនអចលនទ្រព្យ ធនាគារ ផលិតកម្ម រមណីយដ្ឋាន ភោជនីយដ្ឋាន ឬគ្រឹះស្ថានសាធារណៈផ្សេងៗ ជាដើម និងទី២. រូបវន្តបុគ្គល៖ដូចជាអ្នក ថតរូបសិល្បៈករ តន្រ្តីករ ផលិតករ ឬបុគ្គលសាធារណៈផ្សេងៗ ទៀត។
ប្រភពបន្តថា ខណ:ពេលកំពុង ប្រគល់ប័ណ្ណសរសើរ ឯកឧត្តម រដ្ឋមន្រ្តីក្រសួងបរិស្ថាន ក៏បានលើកទឹក ចិត្តឱ្យខិតខំប្រឹងប្រែង នូវសកម្មភាព ទាំងអស់នេះ បន្តទៀត ដើម្បីរក្សា ការពារបរិស្ថានឱ្យកាន់ តែប្រសើរ ឡើង។ តែក៏បន្តមានការ ប្រុងប្រយ័ត្នខ្ពស់ និងសូមអនុវត្ត ៣ការពារ ៣កុំ ឲ្យបានខ្ជាប់ខ្ជួន ដើម្បីការពារខ្លួន ពីការឆ្លងកូវីដ១៩ ទាំងអស់គ្នា ៕ ដោយ លោក ស សារឿន
