(ខេត្តកំពង់ឆ្នាំង)៖ អនុវត្តតាមបទបញ្ជា របស់លោកឧត្តមសេនីយ៍ទោ ខូវ លី ស្នងការនគរបាល ខេត្តកំពង់ឆ្នាំង និង មានការសម្របសម្រួលនីតិវិធីពី ឯកឧត្តម ព្រះរាជអាជ្ញាអម សាលាដំបូងខេត្ត នៅថ្ងៃទី១០ ខែវិច្ឆិកា ឆ្នាំ២០២១ វេលាម៉ោង ១៥និង៣០នាទី កម្លាំងជំនាញ ការិយាល័យប្រឆាំង គ្រឿងញៀន ដឹកនាំ ដោយលោក វរសេនីយ៍ទោ ឃឹម សុផាត នាយរងការិយាល័យ សហការជាមួយ កម្លាំងអធិការដ្ឋាន នគរបាលរលាប្អៀរ ចុះបង្ក្រាបករណី: រក្សាទុក ជួញដូរ និងប្រើប្រាស់ ដោយខុសច្បាប់ នូវសារធាតុញៀន នៅចំណុចវត្តអណ្ដូងស្នាយ ស្ថិតក្នុងភូមិអណ្ដូងស្នាយ ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង។
ជាលទ្ធផល:ឃាត់ខ្លួន ជនសង្ស័យម្នាក់ឈ្មោះ សំ បូរ ភេទប្រុស អាយុ១៨ឆ្នាំ ជនជាតិខ្មែរ មុខរបរ កម្មករ រស់នៅភូមិអណ្ដូងស្នាយ ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង រក្សាទុក ជួញដូរ និង ប្រើប្រាសដោយខុស ច្បាប់នូវសារធាតុញៀន ។
ដកហូតវត្ថុតាង ថ្នាំញៀនចំនួន ០៩កញ្ចប់(ទម្ងន់ ៣,៤៦ក្រាម), ទូរស័ព្ទ ០១គ្រឿង។ បច្ចុប្បន្នជនសង្ស័យខាង លើរួមទាំងវត្ថុតាង កម្លាំងការិយាល័យជំនាញ កសាងសំណុំរឿង ចាត់ការបន្តតាមនីតិវិធី។ ដោយ លោកផាន់ប៊ុនថុន