(ខេត្តបាត់ដំបង)៖ នារសៀលថ្ងៃសុក្រ ១រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២២ ខែតុលា ឆ្នាំ២០២១ ឯកឧត្តម សុខ លូ អភិបាល នៃគណៈអភិបាល ខេត្តបាត់ដំបង បានអញ្ជើញទទួល អំណោយពីឯកឧត្តម នង វាសនា អ្នកតំណាងរាស្រ្ដ មណ្ឌលកំពង់ធំ និងលោកជំទាវ ព្រមទាំងសប្បុរស ជនផ្សេងៗទៀត បានឧបត្ថម្ភជូន ដល់រដ្ឋបាលខេត្តបាត់ដំបង ក្នុងនាមមនុស្សធម៌ ។
អំណោយដែល ទទួលបានរួមមាន ១.ឯកឧត្តម នង វាសនា អ្នកតំណាងរាស្រ្ដ មណ្ឌលកំពង់ធំ និងលោកជំទាវ បានឧបត្ថម្ភនូវ អង្ករ៥តោន ទឹកសុទ្ធ១០០កេស និងមី១០០កេស ២.លោក ហួរ លុច ម្ចាស់ រោងម៉ាស៊ីន Angkor Bayon Rice បានឧបត្ថម្ភនូវ អង្ករ ១ តោន ៣.រោង ម៉ាស៊ីន ចាន់ គនម៉េង ខេត្តពោធិ៍សាត់ បានឧបត្ថម្ភនូវ អង្ករ ១ តោន ៤.លោក ហេង ផេង ម្ចាស់ រោងម៉ាស៊ីនកិនស្រូវ សៀ ហេង ស្រុកថ្មគោល ខេត្តបាត់ដំបង បានឧបត្ថម្ភនូវ ថវិកា ១,០០០ដុល្លារ ៥.លោកស្រី អ៊ុង ឃុន ម្ចាស់រោង ម៉ាស៊ីនកិនស្រូវ អ៊ុង ឃុន ឃុំបឹងខ្នារ ស្រុកបាកាន ខេត្តពោធិ៍សាត់ បានឧបត្ថម្ភនូវ ថវិកា១,០០០,០០០ រៀល ។ ៦.លោកស្រី សួន ហួរ នាយិការ ក្រុមហ៊ុន Golden Star Rice Mill បាត់ដំបង បានឧបត្ថម្ភនូវ អង្ករ ១ តោន។
ឆ្លៀតក្នុងឱកាសនោះ ឯកឧត្តម សុខ លូ បានមានប្រសាសន៍ ថ្លែងអំណរគុណ ជូនដល់ឯកឧត្តម នង វាសនា និងសប្បុរស ជនទាំងអស់ ដែលបានចំណាយ នូវធនធានផ្ទាល់ខ្លួន មានជាថវិកា អង្ករ និងគ្រឿងឧបភោគ បរិភោគមួយចំនួន ជូនដល់រដ្ឋបាល ខេត្តបាត់ដំបង ក្នុងនាមមនុស្សធម៌ ដើម្បីឲ្យរដ្ឋបាល ខេត្តបាត់ដំបងធ្វើការ ចាត់ចែងបន្ត ជូនដល់ជនងាយ រងគ្រោះផ្សេងៗ ក្នុងភូមិសាស្រ្ដ ខេត្តបាត់ដំបង៕ ដោយ លោក សឿនវ៉ាន់ម៉ានលី