(ខេត្តបាត់ដំបង)៖ នៅព្រឹកថ្ងៃទី ១៣ ខែឧសភា ឆ្នាំ ២០២១ នេះ លោក (កុយ ហៀង) ស្នងការរងនគរបាល ខេត្តបាត់ដំបង បានបញ្ថ្ងញចេញនូវ ប្រតិកម្មយ៉ាងខ្លាំង ទៅលើលោក(ហេងបារាំង) អធិកានគរបាលស្រុកភ្នំព្រឹក បន្ទាប់ពីលោកបាន ទទួលព័ត៌មានថា ការចុះបង្ក្រាបមុខសញ្ញា ចែកចាយថ្នាំញៀន នៅក្នុងមូលដ្ឋាន ដោយមានការផ្ទុះអាវុធ ជាច្រើនគ្រាប់ បង្កឲ្យប្រជាពលរដ្ឋ មានការភ្ញាក់ផ្អើលញាក់សាច់ដូចកង្កែប ប្រលាក់អំបិលអញ្ចឹង. ថែមទាំងដកហូតទ្រព្យ សម្បត្តិគេដោយ រាយការណ៍បិទបាំង និងភូតកុហកថ្នាក់ លើម៉ាអេមទៀតផង ។
គួរបញ្ជាក់ថា កាលពីថ្ងៃទី ១០ ខែ ឧសភា ឆ្នាំ ២០២១ វេលាម៉ោង១២ និង ៣០ នាទី ថ្ងៃត្រង់ ដែលកន្លងទៅថ្មីៗនេះ កម្លាំងអធិការដ្ឋាន នគរបាលស្រុកភ្នំព្រឹក ដែលដឹកនាំដោយ លោកអធិការ (ហេង បារាំង ) និងលោកអធិការរង (សាន ង៉ែត ) រួមជាមួយនិងមេប៉ុស្តិ៍ ឈ្មោះ (ម៉ៅ ) ផងដែរ បានចុះទៅកាន់ចំណុច ភូមិអូរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ដើម្បីតាមរកមុខសញ្ញា ជួញដូរគ្រឿងញៀន ។
អ៊ុំស្រីម្នាក់ដែលជាសាក្សី ដ៏សំខាន់បាននិយាយថា នៅពេលកម្លាំងសមត្ថកិច្ច ចុះទៅដល់ចំណុចផ្ទះឈ្មោះ ( វ៉ែន អាង) ( ជនសង្ស័យ ) គឺនៅពេលនោះ ជនសង្ស័យបានរត់ គេចខ្លួនចេញទៅខាង ក្រោយភូមិតាមវាលស្រែ បាត់ស្រមោលតែម្តង ដែលនៅពេលនោះហើយ គឺសមត្ថកិច្ចបានដក អាវុធបាញ់គម្រាមចំនួន ៤ គ្រាប់ធ្វើអោយរូបគាត់ ដែលមានផ្ទះនៅក្បែ មានការភ័យស្លន់ ស្លោរញាក់សាច់ដូច កង្កែបប្រលាក់អំបិល .រត់ចូលទៅក្នុងបង្គន់ ទាំងបេះដូងលោត ខុសចង្វាក់ ។
សាក្សីដដែលបានបន្តថា ក្រោយពីឈ្មោះ (វ៉ែន អាង) រត់ គេចខ្លួនបាត់ទៅនោះ សមត្ថកិច្ចបានចូលរុករើ ក្នងផ្ទះ ដោយបានដកហូតទ្រព្យសម្បត្តិ និងសម្ភារៈមួយចំនួន យកទៅកាន់អធិការដ្ឋានអស់ ។ ភ្លាមៗនោះដែរ ស្ត្រីជា ប្រពន្ធ ឈ្មោះ( កែ ចន្ដា) បានមកដល់ផ្ទះគឺបានឃើញសម្ភារៈក្នុងផ្ទះមានសភាពរាយប៉ាយទើបសួរអ្នកជិតខាងក៏បានដឹងថា លោក(ហេងបារាំង) ដែលជាអធិការ នគរបាលស្រុក ប្រមូលយកទៅអស់ហើយ ។
នាងបានរៀបរាប់ថា ទ្រព្យសម្បត្តិដែល សមត្ថកិច្ចយកទៅមាន ៖ ម៉ូតូ ១ គ្រឿង ដែលជារបស់ម្តាយ និង ទូរស័ព្ទដៃ ១ គ្រឿង សម្រាប់អោយកូន រៀនតាមអនឡាញ និងសម្ភារៈមួយចំនួនទៀត ។
ស្ត្រីជាភរិយាបានបន្តថា នៅល្ងាចថ្ងៃដដែលនោះ នាងបានធ្វើដំណើរទៅ កាន់អធិការដ្ឋាននគ បាលស្រុកភ្នំព្រឹក ប៉ុន្តែត្រូវបានមន្ត្រី ប៉ូលិសនៅទីនោះប្រាប់ថា មេមិននៅទេ ទើបនាងក៏ត្រឡប់មកផ្ទះវិញ ។
ស្អែកឡើង ថ្ងៃទី ១១ នាងក៏ទៅម្តងទៀត ហើយក៏បានជួប ដោយប៉ូលិសនៅទីនោះ បានហៅរូបនាង ចូលក្នុងបន្ទប់រួចសួរនាងថា តើមកនេះមានការអ្វី ? នាងក៏បានប្រាប់ថា មកសុំយកម៉ូតូ និងទូរស័ព្ទទៅវិញ ព្រោះម៉ូតូជារបស់ម្តាយ ដែលបានទុកចោលនៅក្នុងផ្ទះ រីឯទូរស័ព្ទគឺទុកអោយ កូនរៀនអនឡាញ ពីអ្នកគ្រូវា តែត្រូវប៉ូលិសរូបនោះ ទាមទានូវទឹកប្រាក់ ជាថ្នូរចំនួន ២ លាន រៀល តែនាងមានតែ ២០ មុឺនរៀលនៅ ជាប់នឹងខ្លួន ទើបរឿងនេះមិនអាច និយាយគ្នាបាន ។
តាមការសាកសួរពីអ្នក សារព័ត៌មានក្នុងស្រុក នៅព្រឹក ថ្ងៃទី ១៣ នេះ លោកអធិការ ហេង បារាំង មិនបកស្រាយអ្វីច្រើនទេ គឺលោកនិយាយតែ ពីរបីម៉ាត់ថា.សួរជំនាញផ្នែកព្រហ្ម ទណ្ឌទៅក្នុងករណីចុះបង្ក្រាប គឺមានភស្តុតាង ត្រឹមត្រូវហើយលោកក៏ បានបិទទូរស័ព្ទតែម្តង ។
ដោយឡែកលោក ស្នងការរង( កុយ ហៀង) បានលើកឡើងថា លោកទទួលបាន សេចក្តីរាយការណ៍ថាមុខសញ្ញាបាន រត់គេចខ្លួនហើយ និងបានដកហូតម៉ូតូ ១ គ្រឿង តែប៉ុណ្ណោះ លោកក៏បានប្រាប់វិញថា បើម៉ូតូមិនមានការ ពាក់ព័ន្ធនឹងបទល្មើសទេ ប្រគល់ទៅអោយ ក្រុមគ្រួសារគេវិញទៅ ។
ផ្ទុយទៅវិញទើប លោកដឹងថា មានការបាញ់បោះចំនួន ៤ គ្រាប់ និងចូលរុករើយក តាំងពីទូរស័ព្ទ និងសម្ភារៈផ្សេងៗទៀត ដែលទង្វើនេះ គឺខុសច្បាប់ទាំងស្រុក ព្រោះមិនបានបញ្ជាក់ អោយបានច្បាស់ដើម្បី ងាយស្រួលលោក ធ្វើការរាយការណ៍ ទៅលោក ព្រះរាជអាជ្ញា ជាមុន ព្រោះបើធ្វើបែបនេះ វាអាចខុសនឹងច្បាប់ ។
ចុងក្រោយលោកបាន បញ្ជាក់ថាលោកនឹងធ្វើកា រសាកសួរម្តងទៀតទៅ លោកអធិការ ហេង បារាំង ឱ្យបានច្បាស់ បន្ថែមទៀត៕ លោក មុត ចិត្រា