(កំពង់ធំ): នាព្រឹកថ្ងៃទី៣០ ខែមេសាឆ្នាំ២០២១ ឯកឧត្តម សុខ លូ អភិបាលខេត្តកំពង់ធំ និង សហការី ចុះសួរសុខទុក្ខ និងត្រួតពិនិត្យសកម្មភាពកងកម្លាំងចម្រុះប្រចាំការនៅទីតាំងបិទខ្ទប់ ក្នុងភូមិសាស្ត្រ ស្រុកស្ទោង ជាបណ្ដោះមអាសន្ន ដែលបានរកឃើញមានហានិភ័យខ្ពស់ នៃការចម្លង និងការឆ្លង រីករាលដាល នៃជំងឺកូវីដ-១៩ ចូលសហគមន៍ តាមចំណុចគោលដៅនានា នៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ ដើម្បីហាមឃាត់ប្រជាពលរដ្ឋនៅតំបន់បិទខ្ទប់ មិនឲ្យមានការ ចេញ-ចូល រហូតដល់ មាន ការ ជូន ដំណឹងនៅពេលក្រោយ និង ត្រួតពិនិត្យមើលទីតាំងជាច្រើនកន្លែង ដើម្បីត្រៀម សម្រាប់ទុកដាក់អ្នកសង្ស័យ ឆ្លង ជំងឺកូវីដ១៩ ។
មានប្រសាសន៍ នៅក្នុងឱកាសនោះ ឯកឧត្តម សុខ លូ បានក្រើនរំឭក ដល់កងកម្លាំង ចម្រុះទាំងអស់ ក្នុងអំឡុងពេលបិទខ្ទប់ ប្រជាពលរដ្ឋ គ្រប់រូបត្រូវបាន ហាមឃាត់ការធ្វើដំណើរ ចេញពីលំនៅឋាន លើកលែងតែក្នុ ងករណីចាំបាច់ ហើយ ការបិទខ្ទប់ទីរួម ស្រុកស្ទោងនៅពេលនេះ គឺជាវិធានការមួយ ក្នុងកាត់ផ្តាច់នូវការ ឆ្លងមេរោគកូវីដ១៩ នៅក្នុងមូល ដ្ឋាននីមួយៗ ដែលកើតចេញ ពីព្រឹត្តិការណ៍ ២០កុម្ភៈ ។
ឆ្លៀតក្នុងឱកាសនោះ ឯកឧត្តម សុខ លូ បាន បានដាស់តឿន ដល់កងកម្លាំងទាំងអស់ ត្រូវសាមគ្គីឱ្យបានល្អ ជាមួយកម្លាំងសមត្ថកិច្ច គ្រប់ស្ថាប័ន អាជ្ញាធរដែនដី ហើយត្រូវមានការ ប្រុងប្រយ័ត្នខ្ពស់ ត្រូវប្រកាន់ខ្ជាប់ នូវវិធាន ការ ៣ការពារ ៣កុំ របស់សម្តេចអគ្គមហា សេនាបតីតេជោ ហ៊ុន សែន និងវិធានការណែ នាំរបស់ក្រសួង សុខាភិបាល ។
ជាមួយគ្នានោះដែរ ឯកឧត្តម សុខ លូ បន្ថែមទៀតថា ដើម្បីជាការលើកទឹក ចិត្តដល់កងកម្លាំង ដែល បំពេញ តួនាទី ភារកិច្ចរបស់ខ្លួន ឯកឧត្តមបាននាំយកនូវ គ្រឿងឧបភោគបរិភោគ និងសម្ភារៈ ប្រើប្រាស់ការពារ កូវីដ១៩ មួយចំនួនផងដែរ ៕
