(ខេត្តបន្ទាយមានជ័យ)៖ ក្នុងចំណោម៦ ទីតាំងដែលត្រូវបិទ ខ្ទប់មាន១ផ្ទះលេខ134B ក្នុងបុរីដួងច័ន្ទស្ថិត នៅភូមិសាមគ្គីមានជ័យ សងសង្កាតប៉ោយប៉ែត ក្រុងប៉ោយប៉ែត២វីឡា មួយកន្លែងក្នុងបូរីរស្មីដូងច័ន្ទ ៣ទីតាំងអាគារជួល ម៉ាវង្សាដើមស្វាយ ស្ថិតក្នុងភូមិសាមគ្គីមានជ័យ ៤ផ្លូវចូលបូរីដួងច័ន្ទ ៥សណ្ឋាគារ និងកាស៊ីណូប៉ោយប៉ែត ផាលេសផ្លាស៦ ទីតាំងផ្ទះសំណាក់៩៩៩ ទីតាំងនេះ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។
ក្រុមគ្រូពេទ្យជំនាញ កំពុងយកសំណាក លើមនុស្ស ៤០០ នាក់ ដែលនៅ ប៉ះពាល់នឹងជនជាតិ ឥណ្ឌូនេសីុ១នាក់ និង២នាក់ទៀត ដែលឆ្លងកូវីត .១៩ ក្នុងសហគមន៍ នៅក្រុងប៉ោយប៉ែត បានរកឃើញថា មានចំនួនមនុស្ស ៦៥ នាក់ វិជ្ជមានកូវីដ. ១៩ ។ប៉ុ
ន្តែអ្នកវិជ្ជមាននោះនឹង ត្រូវយកវត្ថុសំណាក ទៅចូលមន្ទីរពិសោធន៍ ក្នុងមន្ទីរពេទ្យខេត្ត មិត្តភាព កម្ពុជា ជប៉ុន មង្គលបូរី បន្ថែមទៀតសិន បើលទ្ធផលដូចគ្នា នឹងតេស្តរហ័ស ទើបមន្ទីរសុខាភិបាលខេត្ត នឹងចេញប្រកាស ព័ត៌មានជាផ្លូវការនេះ បើតាមលោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាល នៃរដ្ឋបាលខេត្ត បន្ទាយមានជ័យនៅព្រឹក ថ្ងៃទី២៤ ខែមេសា ឆ្នាំ២០២១ នេះ ។
យោងរបាយការណ៍បឋមមួយ ដែលគេចែកផ្សាយ បានឲ្យដឹងថាថ្ងៃទី២៣ ខែមេសា ក្រុមគ្រូពេទ្យ បានយកសំណាក ជនបរទេស ដែលស្នាក់នៅផ្ទះ នៃបូរីដួងច័ន្ទ និងអគារម៉ាវង្សា ចម្ការស្វាយ ភូមិសាមគ្គីមានជ័យ ១២៦នាក់ស្រី៣៥ នាក់ យកទៅពិនិត្យ ក្នុងនោះជនជាតិថៃ៤នាក់ ស្រី១ននាក់ពិនិត្យអវិជ្ជមាន ចំណែកជនជាតិឥណ្ឌូណេស៊ីចំនួន៨២នាក់ ស្រី១០នាក់ យកសំណាកទៅពិនិត្យ វិជ្ជមាន ៥៧នាក់ ស្រី៤ នាក់ជនជាតិខ្មែរ ២៤ នាក់ ស្រី២៤នាក់ យកសំណាកទៅពិនិត្យ វិជ្ជមាន ៤នាក់ ស្រី២នាក់ សរុបមុខសញ្ញាសង្ស័យវិជ្ជមាន ចំនួន ៦៣ នាក់ស្រី៧នាក់ ។
តែបើតាមរបាយការណ៍ ផ្លូវការរបស់ រដ្ឋបាលខេត្តបន្ទាយមានជ័យ ចុះថ្ងៃទី២៤ ខែមេសា ឆ្នាំ២០២១នេះ បានបង្ហាញថា ពាក់ព័ន្ធនឹងជនជាតិ ឥណ្ឌូណេស៊ី វិជ្ជមានកូវីត.១៩ នៅក្រុងប៉ោយប៉ែត គឺមានចំនួន ១២៦នាក់ អ្នកប៉ះពាល់ពាក់ព័ន្ធ ជាលទ្ធផលតេស្តរហ័ស៦៥នាក់ ស្រី៦នាក់
លោកប្រធានមន្ទីរ បានបន្តថា តួលេខមុខសញ្ញាសង្ស័យ វិជ្ជមានកូវីដ. ១៩ នេះគឺដូចគ្នានឹងរបាយការណ៍ បឋមខាងលើ ប៉ុន្តែ មន្ទីរសុខាភិបាល រដ្ឋបាលខេត្ត បាននឹងកំពុងផ្ទៀង ផ្ទាត់នឹងលទ្ធផល នៃការធ្វើតេស្ត នៃម៉ាស៊ីន នៅមន្ទីរពេទ្យខេត្ត មិត្តភាពកម្ពុជា ជប៉ុនមង្គលបូរី ហើយគោរពជូនក្រសួងពិនិត្យ ទើបចេញប្រកាស លទ្ធផលផ្លូវការ នៅរសៀលនេះ។
ចំពោះអ្នកជម្ងឺកូវីដ.១៩ ត្រូវដាក់ឲ្យសម្រាកព្យាបាល នៅមណ្ឌលសុខភាពប៉ោយប៉ែត១ និងមន្ទីរពេទ្យបង្អែក ប៉ោយប៉ែត ក្រុងប៉ោយប៉ែត និងមន្ទីរពេទ្យខេត្តមិត្តភាព កម្ពុជា ជប៉ុន មង្គលបូរី ។
រីឯអ្នកអវិជ្ជមាន ត្រូវបញ្ជូនធ្វើ ចត្តាឡីស័ក នៅមណ្ឌលចត្តាឡីស័ក កងវ៉ា មកទល់ថ្ងៃត្រង់ ថ្ងៃទី២៤ ខែមេសានេះ គណៈបញ្ជាការកងឯកភាព រដ្ឋបាលខេត្តបន្ទាយមានជ័យ ក៏ដូចក្រុងប៉ោយប៉ែត និងមន្ទីរសុខាភិបាល បាននឹងកំពុងទ្រោល សភាពការណ៍វិវត្តិន៍ថ្មី ទាក់ទិននឹងជម្ងឺកូវីដ .១៩ ដែលតួលេខ ហក់ឡើងនេះ ហើយ អំពាវនាបងប្អូន ប្រជាពលរដ្ឋ និងសាធារណជន កុំឲ្យជ្រួលច្របល់ ឬបំផុសបំផ្លើស អ្វីផ្សេង តែត្រូវគោរពអនុវត្ត ការណែនាំ និងវិធានការច្បាប់ និងក៏ព្រមានកុំឲ្យ ជនឱកាសនិយម លក់ទំនិញឡើងថ្លៃ ការឃុបឃិត ឬបើបើកផ្លូឲ្យអ្នកសង្ស័យ រត់គេចពីការយកវត្ថុសំណាក និងរត់គេចពី មន្ទីរពេទ្យ ពីមណ្ឌលចត្តាឡីស័ក ការបំពានបម្រាម និងតំបន់បិទខ្ទប់ ជាដើម៕