(ខេត្តបន្ទាយមានជ័យ)៖ ផ្ទុះធុងហ្គាសរថយន្តម៉ាក ហាយឡេនឌឺពាក់ ស្លាកលេខ បន្ទាយមានជ័យ 2A-៩៥៦៧ បណ្តាលឲ្យមនុស្ស ជិះក្នុងរថយន្តរបួស៣នាក់ ចំណែកចំណែករ ថយន្តឆេះស្ទើរអស់ ទាំងស្រុង នៅវេលាម៉ោង៧យប់ ថ្ងៃទី៣០ ខែតុលា ឆ្នាំ២០២០ ស្ថិតនៅក្នុង ភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
លោកមេប៉ុស្តិ៍នគរបាល ផ្សារកណ្ដាលបានប្រាប់ អ្នកយកព័ត៌មានឲ្យដឹងថា រថយន្តដែលឆេះនោះមាន ម៉ាកហាយឡេនឌឺ អ្នកបើកមានឈ្មោះ សារ៉ាត កន្និកា ភេទស្រី អាយុ៣៨ឆ្នាំ រស់នៅចំនុចមណ្ឌល៦ ក្នុងភូមិប្រជាធម្មលិច សង្កាត់ផ្សារកណ្តាល។
លោកមេប៉ុស្តិ៍នគរបាល ផ្សារកណ្ដាលបានប្រាប់ ឲ្យដឹងបន្តទៀតថា មុនពេលកើតហេតុនោះ រថយន្តបានបញ្ចូលហ្គាស ក្នុងរថយន្ត១៥គីឡូក្រាម ក្នុងការ៉ាសឈ្មោះ មុំ សុភក្រ័ ភេទប្រុស អាយុ២១ឆ្នាំ ត្រូវ ជាបងប្អូនជីដូនមួយ ពេលកំពុងបញ្ចូលហ្គាស ក៏បានផ្ទុះហ្គាសរថយន្ត បណ្តាលឲ្យភាយ ចំហាយហ្គាស ចេញមកខាង ក្រៅចំឆ្នាំងស៊ុប នៅក្បែរនោះ បណ្តាលឲ្យឆាប់ឆេះតែម្តង។
ក្រោយពីកើតហេតុភ្លាម កម្លាំងសមត្ថកិច្ចទាំងបី រួមនិងអាជ្ញាធរមូលដ្ឋាន បានបញ្ចេញថយន្ត ពន្លត់អគ្គី១គ្រឿងជួយ បាញ់ទឹកពន្លត់រថយន្ត ដែលឆេះនោះយ៉ាង សស្រាក់សស្រាំ មួយសន្ទុះក្រោយ មកភ្លើងត្រូវរលត់ជាស្ថាពរ ដោយមិនឆេះឆ្លង ដល់ផ្ទះអ្នកដទៃ។
លោកមេប៉ុស្តិ៍នគរបាល ផ្សារកណ្ដាលបាន ប្រាប់ឲ្យដឹងបន្តទៀតថា ការខូចខាតមាន ឆេះរថយន្តឆេះស្ទើរអស់ទាំងស្រុង១គ្រឿង អ្នកលក់ចាប់ហួយ និងគ្រឿងទេសមួយចំនួន និងមានមនុស្ស របួស៣នាក់ ១ឈ្មោះ សារ៉ាក កក្កដា ភេទប្រុស អាយុ១៤ឆ្នាំ រងរបួសជើង ទាំងសងខាង២ឈ្មោះហ៊ន់ សុវណ្ណារី អាយុ៥ឆ្នាំ រងបួសរលាកដៃជើង និងផ្ទៃមុខ៣ឈ្មោះហ៊ន់ ដាណេ អាយុ៧ឆ្នាំ រងបួសរលាកដៃជើង និងផ្ទៃមុខបានបញ្ជូន ទៅសង្គ្រោះនៅ ឯមន្ទីរពេទ្យភ្លាមៗ ផងដែរ ៕ ដោយ៨៩