(ខេត្តបាត់ដំបង)៖ នៅព្រឹកថ្ងៃ ពុធ ៧រោច ខែ ភទ្របទ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី ៩ ខែ កញ្ញា ឆ្នាំ ២០២០ ដោយអនុវត្តតាម សេចក្តីណែនាំលេខ ០០៧ សណន ចុះថ្ងៃទី ០១ ខែ កញ្ញា ឆ្នាំ ២០២០ របស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គសង្នាការនគរ បាលជាតិ ឯកឧត្តម ឧត្តម សេនីយ៍ទោ អ៊ុច សុខុន ស្នងការនៃស្នង ការដ្ឋាននគរបាល ខេត្តបាត់ដំបង និងជាមេបញ្ជាការ រងនគរបាល ជាតិប្រចាំទិសភូមិ ភាគទី៥បានដឹកនាំប្រតិភូនៃ ស្នងការដ្ឋាននគរបាល ខេត្តបាត់ដំបងចុះ សំណេះសំណាល សួរសុខទុក្ខដល់កងកម្លាំង វរសេនាតូចនគរបាល ការពារព្រំដែនគោក លេខ៣១០និងលេខ៨២៣ ដែលកំពុងឈរជើងបំពេញ ភារកិច្ចនៅស្រុកសំឡូត ខេត្តបាត់ដំបង ។
ក្នុងពិធីសំណេះ សំណាលនេះ ឯកឧត្តម ឧត្តមសេនីយ៍ ស្នងការបាន ពាំនាំនូវប្រសាសន៍ ផ្តំាផ្ញើសាកសួរសុខទុក្ខពី សំណាក់សម្តេច ក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ ព្រមទាំងប្រសាសន៍ ផ្តាំផ្ញើសួរសុខទុក្ខ របស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ នគរបាលជាតិ ចំពោះកងកម្លាំង នគរបាលទាំងអស់ ព្រមទាំងក្រុមគ្រួសារ នាឱកាសនៃពិធី បុណ្យកាន់បិណ្ឌ ភ្ជំបិណ្ឌ ប្រពៃណីជាតិខ្មែរដែល នឹងឈានចូលមក ដល់នាថ្ងៃខាងមុខ។
ឯកឧត្តមបានថ្លែង កោតសរសើរចំពោះទឹក ចិត្តអង់អាចក្លាហាន និងកិច្ចខិតខំប្រឹង ប្រែងបំពេញភារកិច្ច របស់កងកម្លាំង នគរបាលវរសេនាតូច ការពារព្រំដែនគោក ដែលកំពុងបំពេញ ភារកិច្ចការពារបូរណភាព ទឹកដីនៅតាមខ្សែ បន្ទាត់ព្រំដែន កម្ពុជា ថៃ នាពេលកន្លងមក ។
ឯកឧត្តមបានផ្តាំផ្ញើរដល់ កងកម្លាំងនគរបាលទាំង អស់ត្រូវបន្តខិតខំបំពេញ ភារកិច្ចស្របតាមតួនាទី និងភារកិច្ច របស់ខ្លួនជាកង កម្លាំងនគរបាលជាតិ ត្រូវតស៊ូនិងស្មោះ ត្រង់ចំពោះជាតិ សាសនា ព្រះមហាក្សត្រ ស្មោះត្រង់ជាមួយរាជ រដ្ឋាភិបាលស្របច្បាប់ និងត្រូវមានសាមគ្គី ភាពផ្ទៃក្នុងឱ្យកាន់តែល្អ ប្រើសើរទេ្វរដង បន្តកិច្ចសហប្រតិបត្តិ ការល្អជាមួយសមត្ថកិច្ច អាជ្ញាធរពាក់ ព័ន្ធនៅមូលដ្ឋាន ជាមួយនេះត្រូវផ្សព្វផ្សាយ ឱ្យពលរដ្ឋបានយល់ដឹង កុំឱ្យមានករណីរុករានឬ ទន្រ្ទានយកដីរបស់រដ្ឋ ដោយខុសច្បាប់ ព្រោះពេលនេះមាន ក្រុមការងារកំពុងធ្វើ អត្តសញ្ញាណប្រជាពលរដ្ឋ នៅតំបន់មួយចំនួន ដូច្នេះសូមកុំឱ្យមានករណី ទន្រ្ទានកាន់កាប់ដោត ខុសច្បាប់នៅមូលដ្ឋាននេះ ក្រៅពីនោះត្រូវសហការណ៍ ជាមួយសមត្ថកិច្ច ជាប់ព្រំដែននៃ ប្រទេសទាំងពីរ ។
កងកម្លាំងនគរបាល ត្រូវគោរពប្រតិបត្តិនូវ វិន័យលេខ០០៦របស់កង កម្លាំងនគរបាលជាតិ គោរពច្បាប់ ត្រូវចៀសឱ្យឆ្ងាយកុំ យកខ្លួនទៅពាក់ព័ន្ធនឹង ករណីល្មើសច្បាប់ផ្សេងៗ ហើយត្រូវចូលរួម គោរពច្បាប់ចរាចរណ៍ ផ្លូវគោកទាំងអស់គ្នា ។
ក្នុងឱកាសពិធី បុណ្យកាន់បិណ្ឌ ភ្ជំបិណ្ឌប្រពៃណីជាតិ ខ្មែរដែលឈានចូលមក ដល់នាថ្ងៃខាងមុខ សូមកងកម្លាំងនគរបាល ទាំងអស់ព្រមទាំងក្រុម គ្រួសារបន្តយកចិត្តទុក ដាក់ថែទាំសុខភាពជាប់ ជាប្រចាំធ្វើអនាម័យខ្លួន ឱ្យបានល្អប្រសើរបំផុត ជៀសឱ្យផុតពីជម្ងឺ COVID-19 ទាំងអស់គ្នា ដោយគោរពឱ្យបាន នូវសេចក្តីណែ នាំនិងអំពាវនាវរបស់ ក្រសួងសុខាភិបាល ។
ក្នុងពិធីសំណេះ សំណាលសួរសុខ ទុក្ខនេះឯកឧត្តម ឧត្តមសេនីយ៍ទោ អ៊ុច សុខុន បាននាំយកនូវ អំណោយដ៏ថ្លៃថ្លារបស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ តាមរយៈក្រុមការងារ ក្រឡាហោមមនុស្សធម៌ បាត់ដំបងដែលមាន ឯកឧត្តម ខាន់ ម៉ាណេរ រដ្ឋលេខាធិកា រក្រសួងសាធារណការ និងដឹកជញ្ជូនជាប្រធាន និងរបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឧបត្ថមដល់កងកម្លាំង នគរបាលក្នុងមួយវរៈ សេនាតូចទទួលបាន ដូចខាងក្រោម ៖
១-អំណោយរបស់ សម្ដេចក្រឡាហោម ស ខេង និងលោកជំទាវ ថវិកាចំនួន ២.០០០.០០០ (ពីរលានរៀល), អង្ករចំនួន ២.០០០ គីឡូក្រាម- មីថៃ ចំនួន ១០ កេសតូច -ទឹកក្រូចចំនួន ១០កេស -ទឹកបរិសុទ្ធចំនួន ១០កេស -ត្រីខចំនួន ១០យួរ-ទឹកត្រីចំនួន១០យួរ -ទឹកស៊ីអីវចំនួន១០យួរ -ខ្ទឹមសចំនួន ០៥គីឡូក្រាម-ប៊ីចេងចំនួន ០៥គីឡូក្រាម-អំបិលអីយ៉ូតចំនួន ២០គីឡូក្រាម ។
២-អំណោយរបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរ បាលជាតិថវិកាចំនួន ១.០០០.០០០(មួយលានរៀល)។
៣-អំណោយរបស់ ឯកឧត្តម ងួន រតនៈ អភិបាលនៃគណៈអភិបាល ខេត្តបាត់ដំបង ថវិកាចំនួន ១.០០០.០០០ រៀល(មួយលានរៀល)។
៤-អំណោយរបស់ ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាន នគរបាលខេត្តបាត់ដំបង ថវិកា ចំនួន ១.០០០.០០០(មួយលានរៀល) ៕ ដោយលោក មុតចិត្រា
