(កំពង់ចាម) ៖ ជនសង្ស័យ០៦នាក់ត្រូវបានកម្លាំងនគរបាល ព្រហ្មទណ្ឌស្នងការដ្ឋានខេត្តកំពង់ចាមធ្វើការស្រាវជ្រាវបង្រ្កាបបានបន្ទាប់ពីធ្វើសកម្មភាពលួចមានស្ថានទម្ងន់ទោស (ធាក់យកម៉ូតូ) ។ ហេតុការណ៍នេះកើតឡើង កាលវេលាម៉ោង០៤ និង៤៥នាទី ថ្ងៃទី០២ ខែឧសភា ឆ្នាំ២០២៣ នៅចំណុចតាមផ្លូវ ស្ថិតក្នុងភូមិអូរឈ្លើង ឃុំកោះរកា សុ្រកកំពង់សៀម ខេត្តកំពង់ចាម ។ ជនរងគ្រោះឈ្មោះ ហ៊ាង ដេរ៉ុង ភេទស្រី អាយុ៣៦ឆ្នាំ មានទីលំនៅភូមិគគរ១ ឃំុគគរ ស្រុកកំពង់សៀម ខេត្តកំពង់ចាម ។ ជនរងគ្រោះបានរៀបរាប់ប្រាប់សមត្ថកិច្ចនគរបាលថា នៅថ្ងៃទី០២ ខែឧសភា ឆ្នាំ២០២៣ វេលាម៉ោង០៤ និង៤៥នាទី ខ្លួនបានជិះម៉ូតូមួយគ្រឿងម៉ាក សេ១២៥ ពណ៌ខ្មៅ ពាក់ស្លាកលេខ កំពង់ចាម1Q-2839 ជិះសំដៅទៅធ្វើការងារកម្មកររោងចក្រកាត់ដេរស្ថិតក្នុងភូមិអំពិលលើ ឃុំអំពិល ស្រុកកំពង់សៀម ដោយខ្លួនជិះម៉ូតូតែម្នាក់ឯង ពេលជិះចេញមកដល់ចំណុចខាងកើតវត្តគគរ ខ្លួនក៏ឃើញមានម៉ូតូជិះពីក្រោយមានម៉ូតូចំនួន០៣គ្រឿង ជិះមកដល់ចំណុចស្ពានមួយស្ថិតក្នុងភូមិកោះកាក្នុង ឃុំកោះកា ស្រុកកំពង់សៀម ម៉ូតូ ចំនួន០៣គ្រឿងនោះជិះវ៉ាមកខាងមុខម៉ូតូរបស់ខ្លួន ដោយខ្លួនឃើញជិះគ្នា០២នាក់មានអ្នកខ្លះពាក់អាវពណ៌សនិងពណ៌ខ្មៅ ស្លៀកខោជើងវែង ពុំមានពាក់មួកសុវត្ថិភាពមានវ័យប្រហែល១៩ឆ្នាំ ទៅ២០ឆ្នាំ ម៉ូតូមានភិនភាគប្រហែលម៉ាក់និច (NEX) ពណ៌ស ពេលនោះខ្លួនក៏ជិះម៉ូតូតាមពីក្រោយបានចម្ងាយប្រហែល ២០០ម៉ែត្រ មកទិសខាងកើត ពួកវាក៏ជិះម៉ូតូទាំង០៣គ្រឿង ត្រឡប់ទៅក្រោយវិញ ។ បន្ទាប់មកខ្លួនក៏ជិះម៉ូតូមកទិសខាងកើត ។ មកដល់ចំណុចភូមិអូរឈ្លើង ឃុំកោះរកា ស្រុកកំពង់សៀម ។ ស្រាប់តែមានម៉ូតូ០១គ្រឿងម៉ាកនិច (NEX) ពណ៌ស ជិះគ្នា០២នាក់ ខ្លួនមិនចាំភិនភាគ បានជិះម៉ូតូមកអែប នឹងម៉ូតូរបស់ខ្លួនរួចក៏ធាក់ត្រូវម៉ូតូរបស់ខ្លួនបណ្ដាលឲ្យដួលនៅលើផ្លូវកៅស៊ូ ភ្លាមនោះមនុស្សប្រុសម្នាក់បានចុះពីលើម៉ូតូមកឆក់ទាញកាបូបរបស់ខ្លួនស្ពាយនៅនឹងស្មា ខ្លួនក៏ទាញមកវិញ ហើយក៏រត់ចូលទៅក្នុងផ្ទះគេក្បែរនោះ ភ្លាមនោះមនុស្សប្រុស ម្នាក់ទៀតក៏ជិះម៉ូតូរបស់ខ្លួនជិះទៅទិសខាងលិចបាត់ទៅ ។ ចំណែកបក្ខពួករបស់វា បានជិះម៉ូតូទៅតាមក្រោយ ។ ដោយខ្លួនបានរងរបួសជង្គង់ខាងស្ដាំ០១កន្លែងនិងជង្គង់ខាងឆ្វេង០១កន្លែង ។ បន្ទាប់ពីទទួលបានព័ត៌មានភ្លាម លោកឧត្តមសេនីយ៍ស្នងការ ហេង វុទ្ធី ស្នងការនគរបាលខេត្តកំពង់ចាមបានដាក់បទបញ្ជា ណែនាំ លោក វរសេនីយ៍ឯក ឯក ប៉ាន់ដន អធិការនគរបាលសុ្រកកំពង់សៀម ចាត់កម្លាំងសមត្ថកិច្ចជំនាញព្រហ្មទណ្ឌនៃអធិការដ្ឋាននគរបាលស្រុកកំពង់សៀម ដឹកនាំកម្លាំងប៉ុស្តិ៍នគរបាលរដ្ឋបាលកោះរកា ធ្វើការពិនិត្យ និងស្រាវជ្រាវដល់ទីកន្លែងកើតហេតុ ។ លោកឧត្តមសេនីយ៍ស្នងការ ហេង វុទ្ធី បានអោយដឹងថា មុខសញ្ញាត្រូវបានកំណត់។ លោកឧត្តមសេនីយ៍ស្នងការ បន្តថា ប្រតិបត្តិការត្រូវបានធ្វើឡើង ដោយមានកិច្ចសហការជាមួយកម្លាំងសមត្ថកិច្ចជំនាញផែនការងារនគរបាលព្រហ្មទណ្ឌខេត្តកំពង់ចាម ដឹកដោយលោកឧត្តមសេនីយ៍ត្រី អ៉ិត ដារ៉ា ស្នងការរងទទួលផែនការងារនគរបាលព្រហ្មទណ្ឌ លោកឧត្តមសេនីយ៍ត្រី ថាញ់ សុខវ៉ុន ស្នងការរងទទួលជំនួយការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តកំពង់ចាម និងកម្លាំងសមត្ថកិច្ចជំនាញ នៃអធិការដ្ឋាននគរបាលស្រុកកងមាស បន្តស្រាវជ្រាវរហូតឃាត់ខ្លួនបានជនសង្ស័យចំនួន០៦នាក់ ៖ ១. ថន វីរ៉ាត់ ប្រុស ១៦ឆ្នាំ ជាតិខ្មែរ នៅភូមិត្រឡោកបែក សង្កាត់សែនសុខ រាជធានីភ្នំពេញ ។ ២.ឈ្មោះ ធីម សុខណាត ភេទប្រុស អាយុ១៧ឆ្នាំជាតិខ្មែរ នៅទំនប់១ សង្កាត់ភ្នំពេញថ្មី ខណ្ឌសែនសុខ ។ ៣.ឈ្មោះ ភឿង ផាន់ណា ភេទប្រុស អាយុ១៤ឆ្នាំ ជាតិខ្មែរ នៅភូមិថ្មី សង្កាត់ស្ទឹងមានជ័យ ៤.ឈ្មោះ ឌីម ថានិល ភេទប្រុស អាយុ ១៤ឆ្នាំ នៅសង្កាត់បឹងសាឡាង ៥.ឈ្មោះ រម្យ ចាន់បូរិន្ទ ភេទប្រុស អាយុ១៥ឆ្នាំ នៅសង្កាត់ទួលសង្កែ ខណ្ឌឫស្សីកែវ ។ ៦.ឈ្មោះ វិធី បញ្ញា ហៅ ទ្រី អាយុ១៧ឆ្នាំ នៅសំបុកចាប បង្កាត់បឹងកក់ ។ មកសួរនាំនៅស្នងការដ្ឋាននគរបាលខេត្តកំពង់ចាម ។ ហើយជនសង្ស័យបានឆ្លើយសារភាពថា នៅថ្ងៃទី០២ ខែឧសភា ឆ្នាំ២០២៣ បក្សពួករបស់ខ្លួនទាំង៦ នាក់ ពិតជាបានធ្វើសកម្មភាពធាក់យកម៉ូតូចំនួន០១គ្រឿងម៉ាកសង់ សេ១២៥ ពណ៌ខ្មៅស៊េរីឆ្នាំ២០១២ នៅចំណុចតាមផ្លូវ តែមិនបក្ខពួករបស់ខ្លួនមិនស្គាល់ ។ ពេលធ្វើសកម្មភាពរួចបក្សពួករបស់ខ្លួនបានជិះម៉ូតូសំដៅទៅទិសខាងលិចដើម្បីទៅទីក្រុងភ្នំពេញ តែក៏ត្រូវបានសមត្ថកិច្ចឃាត់ខ្លួនបក្សពួករបស់ខ្លួនទាំង០៦នាក់ យកមកសួរនាំតែម្ដង ។ លោកឧត្តមសេនីយ៍ស្នងការ ហេង វុទ្ធី បានអោយដឹងថា តាមបញ្ជារបស់លោក វង្សប៊ុន វិសុទ្ធ ព្រះរាជអាជ្ញា នៃអយ្យការអមសាលាដំបូងខេត្តកំពង់ចាម បានអនុញ្ញាតឲ្យសមត្ថកិច្ចនគរបាលយើង ធ្វើការឃាត់ខ្លួនជនសង្ស័យទាំង៦នាក់ខាងលើ រួមទាំងវត្ថុតាងដើម្បីរៀបចំកសាង ឯកសារ សំណុំរឿងតាមនីតិវិធី
You might like
ឈ្មោះ ប៊ុត ខឿត ម្ចាស់គ្រឿងចក្រ ឈូសឆាយបំភ្លេចបំផ្លាញដីព្រៃ សម្បត្តិរដ្ឋយ៉ាងអនាធិបតេយ្យ ប្រជាពលរដ្ឋនិងអង្កការសង្គមស៊ីវិលដាក់ការសង្ស័យថាកំពុងប្រព្រឹត្តអំពើទុករលួយ.. វគ្ក៥
18/05/2024
4 Likes
3
លោក អ៉ី ឈាន វាយតំលៃខ្ពស់ចំពោះសមាជិកក្រុមប្រឹក្សខេត្ត ក្រុង ស្រុកមកពីបក្សប្រជាជនកម្ពុជា ដែលយកអស់កំលាំងកាយ ប្រាជ្ញាស្មារតី បំពេញភារកិច្ចបម្រើប្រជាជន ប្រកបដោយការទទួលខុសត្រូវខ្ពស់
18/05/2024
3 Likes
3
ឯកឧត្តម សិទ្ធិ ឡោះ ប្រធានគណៈកម្មការ ខ ២៧ បានដឹកនាំក្រុមការងារ ចូលរួមពិធីបើកយុទ្ធនាការបោះឆ្នោតជ្រើសរើស ក្រុមប្រឹក្សាខេត្ត ស្រុក ខណ្ឌ នៅគណបក្សស្រុកស្វាយចេក•••
18/05/2024
3 Likes
4
រដ្ឋបាលខេត្តប៉ៃលិន បានដាក់ឱ្យដំណើរការរថយន្តក្រុងសម្រាប់ធ្វើការដឹកជញ្ជូនសិស្ស និស្សិត ទៅបន្តការសិក្សានៅខេត្តបាត់ដំបង ជារៀងរាល់ចុងសប្តាហ៍ ដោយឥតគិតថ្លៃ
18/05/2024
3 Likes
4