រថយន្តដឹកវ៉ាក់សាំង ចំនួន៣០គ្រឿង ជាអំណោយដ៏ថ្លៃថ្លា របស់សម្តេចតេជោ ហ៊ុន សែន នឹងផ្តល់ជូន មន្ទីរសុខាភិ បាលរាជធានី-ខេត្តទាំង២៥

(ភ្នំពេញ)៖ កាលពីព្រឹកថ្ងៃទី០៩ ខែកក្កដា ឆ្នាំ២០២១នេះ លោកជំទាវ វេជ្ជបណ្ឌិត ឱ វណ្ណឌីន អ្នកនាំពាក្យ រដ្ឋលេខាធិការ ក្រសួងសុខាភិបាល និងជាប្រធានគណៈ កម្មាការចំពោះកិច្ចចាក់វ៉ាក់សាំង កូវីដ-១៩ ក្នុងក្របខណ្ឌ ទូទាំងប្រទេស អញ្ជើញប្រគល់រថយន្ត ដឹកវ៉ាក់សាំងចំនួន៣០គ្រឿង ដែលជាអំណោយដ៏ថ្លៃថ្លា របស់សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាជូន ដល់មន្ទីរសុខាភិបាល រាជធានី-ខេត្តទាំង២៥ នៅឃ្លាំងឱសថ កណ្តាល (CMS) រាជធានីភ្នំពេញ។