(ខេត្តបន្ទាយមានជ័យ)៖ លោកវរសេនីយ៍ឯក ព្រហ្ម សុភា មេបញ្ជាការរង តំបន់ប្រតិបត្តិការ សឹករងខេត្ត សហការជាមួយ ផ្នែកសឹករងម៉ាឡៃ និងវរសេនាតូចនគរ បាលព្រំដែនគោកលេខ៨១៥ កម្លាំងនគរបាលប៉ុស្តិ៍រដ្ឋបាល ឃុំអូរស្រឡៅបាន ចុះល្បាតនៅតាមព្រំដែន ខែ្មរថៃ បានប្រទះឃើញពលករ ខ្មែចំនួន៩នាក់ ដែលលួចឆ្លងដែន ដោយខុសច្បាប់ នៅចំណុច ភូមិបឹងរាំង ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ ក្នុងនោះមានស្រី៣នាក់ ដៃលពួកគេបំរ៉ុងលួច ឆ្លងដែនទៅរកការងារ ធ្វើនៅប្រទេសថៃ នៅព្រឹក ថ្ងៃទី១៥ ខែមិថុនា ឆ្នាំ២០២១។
លោកវរសេនីយ៍ឯក ព្រហ្ម សុភា បានប្រាប់ឲ្យដឹងថា ក្រោយពីឃាត់ខ្លួនបាន ពករទាំង៩នាក់នោះ ហើយបានណែនាំដល់ បងប្អូនកុំបន្តចាញ់បោកមេខ្យល់ ដែលតែងតែបញ្ចុះបញ្ចូល នាំពលករឆ្លងដែនខុសច្បាប់ ដោយមិនគិតពីសុវត្ថិភាព និងខាតបង់ប្រាក់ កាសជាបន្តបន្ទាប់ ជាពិសេសសូមបន្ត ចូលរួមអនុវត្តវិធានការ ៣កុំ ៣ការពារ អោយបានទាំងអស់គ្នា។
លោកវរសេនីយ៍ឯក ព្រហ្ម សុភាបានប្រាប់ឲ្យដឹង បន្តថាបន្ទាប់មកពករទាំង ៩នាក់នោះបានប្រគល់ទៅ ឲ្យកម្លាំងនគរបាលប៉ុស្តិ៍រដ្ឋបាល ឃុំអូរស្រឡៅដើម្បី សាកសួរនឹងបញ្ជូន ទៅធ្វើចត្តាឡីស័ក ។
សូមជម្រាបថាកន្លងមក កម្លាំងចម្រុះបានធ្វើការ ទប់ស្កាត់ពលករលួចឆ្លងដែន និងទប់ស្កាត់ការឆ្លងរីករាលដាល នៃជំងឺកូវីដ-១៩ក្នុងនោះ បាន ឃាត់ខ្លួនពលករឆ្លងដែន បញ្ជូនទៅមណ្ឌលចត្តា ឡីស័កជាបន្តបន្ទាប់ និងឃាត់ខ្លួនមេខ្យល់ បានមួយចំនួន បញ្ជូនទៅសមត្ថកិច្ច ជំនាញចាត់វិធានការ តាមផ្លូវច្បាប់ផងដែរ ៕
