(ខេត្តបន្ទាយមានជ័យ)៖ ក្រសួងមហាផ្ទៃខំទុកចិត្ត ដាក់ឲ្យធ្វើអភិបាល ស្រុកភ្នំស្រុកបានធ្វើ ហើយសុីមិនរើស គ្រាន់តែឡានដឹកដី ក៏យកលុយដែរធ្វើ ឲ្យឡានដឹកដីលើស ទម្ងន់ខូចផ្លូវខ្ទេចអស់។
នៅថ្ងៃទី២៦ ខែឧសភា ឆ្នាំ ២០២១នេះរដ្ឋបាល ខេត្តបន្ទាយមានជ័យ ចេញលិខិតបង្គាប់ ការមួយ ដោយចាត់តាំង ក្រុមប្រចាំការត្រួតពិនិត្យ យានយន្តដឹកជញ្ជូន លើសទម្ងន់ កម្រិតកំណត់ ដែលបើកលើ បណ្តាញផ្លូវ ជនបទក្រាលកៅស៊ូ ដែលមានទីតាំង ចាប់ពីភូមិត្រាង ឃុំភ្នំដី រហូតដល់ភូមិធ្នង់ ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។
ចំណែកមេភូមិរង្វាន ឃុំណាំតៅបាន ប្រាប់ថា ពិតជាបានបង់លុយ ថ្លៃរបរបូមខ្សាច់ ជូនលោកអភិបាល ស្រុកភ្នំស្រុក ហើយការដឹក ដីខ្សាច់ពីទីនោះ ក៏បានធ្វើឲ្យខូច ផ្លូវជនបទយ៉ាងដំណំ។
ក្រោយពីបំផ្លាញផ្លូវខូច យ៉ាងខ្លាំងរួចមកលោក អ៊ុំ រាត្រីបានចេញលិខិត១ច្បាប់ យោងលិខិតបង្គាប់ការ លេខ០២៣/២១ លបក ចុះថ្ងៃទី២១ ខែឧសភា ឆ្នាំ២០២១ របស់រដ្ឋបាល ខេត្តបន្ទាយមានជ័យ បានចាត់តាំងក្រុមប្រចាំការ ដូចខាងលើ ដែលមានសសមាស ភាពចូលរួមមាន១លោក ឈឿង ក្រៃយ៉ុង នាយករដ្ឋបាល សាលាខេត្តជា ប្រធាន២លោក សុក រឹទ្ធិ អភិបាលរង ស្រុក្នំស្រុក ជាអនុប្រធាន៣ លោក ស៊ិញ ឈិញ តំណាងសហគមន៍ ថែទាំផ្លូវ អនុប្រធានអចិន្ត្រៃយ៍ និងសមាជិក ៤ រូបទៀត មកពីទីចាត់ការអន្តរ វិស័យសាលាខេត្ត ការិយាល័យផ្លូវជនបទ នៃមន្ទីរ អភិវឌ្ឍន៍ជនបទខេត្ត នគរបាលស្រុក កងរាជអាវុធហត្ថស្រុក ។
គួររំលឹកថាផងដែរថា លោក អ៊ុំ រាត្រីបាននិយាយថា ករណីឡានដឹកដី ដឹកខ្សាច់ សំភារះសំណង់ លើសទម្ងន់ នៅភ្នំស្រុកនេះបាន ស្រាវជ្រាវឃើឃើញថា មានរថយន្តដឹកខ្សាច់ បង្កឲ្យខូចខាតផ្លូវជនបទ យ៉ាងខ្លាំង រឿងនេះ វាពាក់ព័ន្ធលោក អភិបាលស្រុក យកលុយពីមេភូមិ ដែលចាំប្រមូល ពីរណ្តៅ និងឡានដឹកខ្សាច់ ហេតុនេះ ត្រូវធ្វើការ ។
ក្នុងនោះនគរបាល ស្រុកភ្នំស្រុកកន្លងមក បានឃាត់ឡាន ចំនួន៤គ្រឿងលួចដឹក ដីនិងខ្សាច់លើសទម្ងន់ នៅចំណុចផ្លូវអក្សរ Tផ្លូវបំបែកទៅឃុំណាំតៅ និងឃុំស្ពានស្រែង ស្ថិតក្នុងឃុំភ្នំដី ស្រុកភ្នំស្រុកយកមក ធ្វើកិច្ចសន្យាលើកទី១ ក្នុងពេលចាប់ រថយន្តនោះ អ្នកបើកនិង ម្ចាស់រថយន្ត បានតវ៉ាថា ហេតុអីក៏មាន សមត្ថកិច្ច ចេញចាប់ឡានពួក គេបើពួកគេ បានបង់លុយជូន លោកអភិបាលស្រុក រួចរាល់អស់ហើយ។
ករណីនេះរឿងឡានបំផ្លាញ ផ្លូវនេះក្នុងកិច្ចសម្ភាសន៍ ពលរដ្ឋ និងមេភូមិ បានប្រាប់ថា ពួកខ្លួនពិតជាបាន បង់លុយថ្លៃរបរបូមខ្សាច់ ក្នុងស្ទឹងស្រែង ភូមិរង្វាន ឃុំណាំតៅ ជូនលោកអភិបាល ស្រុកភ្នំស្រុក ហើយឡានដឹកខ្សាច នៅទីនោះមមាញឹក ខ្លាំងក្នុង២ឆ្នាំ ចុងក្រោយនេះ ក៏មានចំណែកដែរ ក្នុងការដឹកជញ្ជូន បង្កឲ្យខូចខាត ផ្លូវជនបទ ក្រាលកៅស៊ូពីឃុំភ្នំដី ទៅឃុំណាំតៅ ស្រុកភ្នំស្រុក ដូចការរកឃើញ ពិតប្រាកដប៉ុន្តែ សកម្មភាពអាជីវកម្មរបស់ ពួកគេ មានលក្ខណៈគ្រួសារប៉ុណ្ណោះ ។
ទាក់ទិនការចោទ និងបន្ទោសរបស់ លោកអ៊ុំរាត្រី លោកយឹម សំណាង អភិបាល ស្រុកភ្នំស្រុក បានប្រាប់ឲ្យដឹង ថាលោកមិន បានដឹងអ្វីឡើយ បានបង្វែរ ទៅសួរលោក សុក រឹទ្ធិ អភិបាលរងស្រុក ទទួលបន្ទុកវិញ ព្រោះ លោកបានចេញ លិខិតបង្គាប់ការ ឲ្យចុះអនុវត្ត ។ លោកអភិបាល ស្រុកភ្នំស្រុក ពេលកើតមានរឿង ដល់អភិបាលខេត្ត កំពុងតែរកត្រូវខ្លួន ឯងតែប៉ុណ្ណោះ៕ ដោយ ប.ជ
