(ខេត្តស្វាយរៀង)៖ ឯកឧត្ដម ម៉ែន វិបុល អភិបាល នៃគណៈអភិបាល ខេត្តស្វាយរៀង នាព្រឹកថ្ងៃសៅរ៍ទី០១ ខែឧសភា ឆ្នាំ២០២១នេះ បានអញ្ជើញទទួល ថវិកាចំនួន៦.០០០ដុល្លារ (ប្រាំមួយពាន់ដុល្លារ) ពីលោកស្រី ឆោម និមល និងលោក ម៉ៅ ឡូយ តំណាងឱ្យលោកស្រី ប្រាក់ លីណា ព្រមទាំងក្រុមគ្រួសារ និងក្រុមបាល់ទាត់វេសឃ្លីន ឧបត្ថម្ភដល់រដ្ឋបាល ខេត្តក្នុងការងារ ទប់ស្កាត់ការឆ្លង រាលដាលនៃ ជំងឺកូវីដ១៩។
ឯកឧត្ដមអភិបាល ខេត្តបានមានប្រសាសន៍ថា ក្នុងកំឡុងពេល នៃការរីករាល ជំងឺកូវីដ១៩ ក្នុង ព្រឹត្តិ ការណ៍សហគមន៍ ២០កុម្ភៈមកដល់ បច្ចុប្បន្ននេះ រដ្ឋបាលខេត្តស្វាយរៀង បាននិងកំពុងបន្តការ ខិតខំយកចិត្តទុកដាក់ ចូលរួមជាមួយរាជ រដ្ឋាភិបាលក្នុងការ បង្ការទប់ស្កាត់ការ ឆ្លងរីករាលនៃជំងឺ នេះយ៉ាងសកម្ម ជាពិសេសរដ្ឋបាល ខេត្តបានបង្កើតនូវ គណៈកម្មការប្រយុទ្ធ ប្រឆាំងនឹងជំងឺកូវីដ-១៩ ព្រមទាំង បង្កើតនូវក្រុម ការងារស្រាវជ្រាវ និងតាមដានបុគ្គល សង្ស័យថាមានផ្ទុក ជំងឺកូវីដ១៩ក្នុងខេត្ត ដើម្បីមានវិធានការក្នុង ការទប់ស្កាត់ការឆ្លង ឱ្យមានប្រសិទ្ធភាព និងទាន់ពេលវេលា។
ឯកឧត្តមបញ្ជាក់ថា ថ្វីត្បិតតែខេត្ត ស្វាយរៀងបច្ចុប្បន្ន ក្រោយកាត់ផ្តាច់ការ ចម្លងដោយគ្មានអ្នក ឆ្លងថ្មីរយៈពេល ៥ថ្ងៃជាប់ៗគ្នា ក៏ពិតមែន ក្នុងនាមប្រធានគណៈ កម្មការប្រយុទ្ធប្រឆាំង ការឆ្លងរាលដាលនៃជំងឺ កូវីដ-១៩ខេត្ត នឹងនៅតែបន្តការ ខិតខំដាក់ចេញនូវ ទិសដៅសំខាន់ៗ ដើម្បីទប់ស្កាត់ការចម្លង និងដើម្បីសុខុមាល ភាពប្រជាជន ខេត្តស្វាយរៀង ចៀសឆ្ងាយពីការឆ្លង ពីជំងឺដ៏កាចសាហាវ មួយនេះ។
ឯកឧត្តមអភិបាល ខេត្តក៏បានថ្លែងនូវការ អរគុណចំពោះលោកស្រី ប្រាក់ លីណា ព្រមទាំងក្រុមគ្រួសារ និងក្រុមបាល់ទាត់វេសឃ្លីន បានចូលរួមបរិច្ចាគ នូវថវិកាជូនដល់ រដ្ឋបាលខេត្ត ដែលនេះសបញ្ជាក់ ឱ្យឃើញពីទឹកចិត្ត សប្បុរសធម៌ និងជាវប្បធម៌នៃ ការចែករំលែកទៅ លើការជួយគ្នាក្នុង កាលៈទេសៈនាពេលបច្ចុប្បន្ននេះ។
ឯកឧត្តមអភិបាលខេត្តបន្តថា ថវិកាដែលរដ្ឋបាល ខេត្តទទួលបាននៅថ្ងៃនេះ នឹងយកទៅចាត់ចែង ប្រើប្រាស់ឱ្យចំទិស ដៅក្នុងសកម្មភាព គាំទ្រដល់ដល់យុទ្ធនា ការផ្សព្វផ្សាយ និងបង្ការទប់ស្កាត់ ការឆ្លងរាល ដាលនៃជំងឺកូវីដ-១៩ ក្នុងខេត្តស្វាយរៀង៕