(ខេត្តបន្ទាយមានជ័យ)៖ យោងតាមអនុសាសន៍ ដ៏ខ្ពង់ខ្ពស់របស់ សម្ដេចតេជោ នាយករដ្ឋមន្ត្រី នៅថ្ងៃទី២ ខែមេសា ឆ្នាំ២០២១ នៅក្នុងខេត្តបន្ទាយមានជ័យ បានរៀបចំបើកយុទ្ធនា ការចាក់វ៉ាក់សាំងការពារ ជំងឺកូវីដ.១៩ ក្នុង គោលការណ៍ស្ម័គ្រចិត្ត ជូនមន្ត្រីអគ្គីសនី រដ្ឋបាល ឃុំ សង្កាត់ និងប្រជាពលរដ្ឋមានចំនួន ២.០៥២នាក់និងអ្នកពាក់ព័ន្ធ ជាច្រើននាក់ទៀត។
លោកអ៊ុំរាត្រី អភិបាល ខេត្តបន្ទាយមានជ័យ បានប្រាប់ឲ្យដឹងថា យុទ្ធនាចាក់វ៉ាក់សាំង កូវីដ.១៩ ប្រភេទ Sinovac ជូនមន្ត្រីអគ្គីសនី រដ្ឋបាល ឃុំ សង្កាត់ និងប្រជាពលរដ្ឋ មានទីតាំងចំនួន១២ កន្លែងក្នុងនោះមាន ១មន្ទីរពេទ្យខេត្ត មិត្តភាព កម្ពុជាជប៉ុន ស្រុកមង្គលបូរី ២ការិយាល័យ សុខាភិបាលស្រុក ប្រតិបត្តិមង្គលបូរី ៣មន្ទីរពេទ្យ បង្អែកសិរីសោភ័ណ ៤វិទ្យាល័យសិរីសោភ័ណ ៥មន្ទីរពេទ្យបង្អែក ព្រះនេត្រះព្រះ ៦សាលាបឋមសិក្សាស្រះជីក ៧ មន្ទីរពេទ្យបង្អែកស្វាយចេក ៨មន្ទីរពេទ្យបង្អែកស្រុកង្មពួក ៩មន្ទីរ បង្អែកស្រុកម៉ាឡៃ ១០មន្ទីរពេទ្យបង្អែក ស្រុកម៉ាឡៃសន្តិភាព ១១មន្ទីរពេទ្យបង្អែកប៉ោយប៉ែត ១២ស្ថានីយ៍រថភ្លើង ក្រុងប៉ោយប៉ែត មានក្រុមគ្រូពេទ្យ ចាក់វ៉ាក់សាំង២ក្រុម។
សូមជម្រាបជូនថា វ៉ាក់សាំងស៊ីណូវ៉ាក់នេះ ចាក់បានចាប់ពី មនុស្សអាយុ១៨ឆ្នាំឡើងទៅ ហើយថ្ងៃនេះ ជាថ្ងៃទី១ នៃការបើកឆាកយុទ្ធនាការ ចាក់ថ្នាំបង្ការជំងឺកូវីដ.១៩ ប្រភេទ Sinovac ដែលបានប្រព្រឹត្តិទៅ ក្នុងក្របខ័ណ្ឌទូទាំងប្រទេស ក្រោមការគិតគូរ និងដឹកនាំដ៏ឈ្លាសវៃ របស់សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រី ដើម្បីសុខមាលភាព របស់ប្រជាជនកម្ពុជា ក្នុងនោះ ខេត្តបន្ទាយមានជ័យ ចំពោះកិច្ចចាក់វ៉ាក់សាំង បានរៀបចំចាក់ជូន ដល់ថ្នាក់ដឹកនាំ មន្ត្រីរាជការ សាសាលាក្រុង សាលាស្រុក និងប្រជាពលរដ្ឋទូទាំង៩ ក្រុង ស្រុក ក្នុងខេត្តបន្ទាយ មានជ័យទៅតាមពេលវេលា និងទីកន្លែងដែលរដ្ឋបាលក្រុង ស្រុក បានបែងចែក ក្នុងការចាក់វ៉ាក់សាំង ជូនដោយផ្អែកលើ គោលការស្ម័គ្រចិត្តតែប៉ុណ្ណោះ៕
