សមត្ថកិច្ចចម្រុះអនុវត្តការងារត្រួតពិនិត្យចល័ត បង្ការទប់ស្កាត់ និងបង្រ្កាបបទល្មើសគ្រឿង ញៀននិងសារធាតុគីមីផ្សំគ្រឿងញៀនខុសច្បាប់ តាមបន្ទាត់ព្រំដែន ក្នុងភូមិសាស្រ្តស្រុកភ្នំព្រឹក!!!

បាត់ដំបង÷ នៅថ្ងៃ សុក្រ ត្រូវនឹងថ្ងៃទី០១ ខែកក្កដា ឆ្នាំ២​០២២ វេលាម៉ោង០៨និង០០នាទីព្រឹក អនុវត្តតាមបទបញ្ជារបស់លោកឧត្តមសេនីយ៍ទោ (សាត គឹម​សាន )ស្នងការនៃស្នង ការដ្ឋាននគរបាលខេត្តបាត់ដំបង លោកឧត្ដមសេនីយ៍ត្រី( កុយ ហៀង) ស្នងការរងផែនការងារប្រឆាំងគ្រឿងញៀន បានដឹក​នាំកម្លាំងក្នុងផែនសហការជាមួយសមត្ថកិច្ចពាក់ព័ន្ធបានចុះអនុវត្តត្រួតពិនិត្យចល័តបង្ការទប់ស្កាត់ និងបង្រ្កាបបទល្មើសគ្រឿងញៀន និងសារធាតុគីមីផ្សំគ្រឿងញៀនខុសច្បាប់ ក្នុងភូមិសាស្រ្តស្រុកភ្នំព្រឹក ខេត្តបាត់ដំបង ដូចខាងក្រោម៖

-គោលដៅទី០១៖ នៅចំណុចក្បែរច្រកអូររំដួល ផ្លូវលេខ៥៧B ស្ថិតក្នុងក្រុមទី០៥ ភូមិពេជ្រិន្ដា ឃុំពេជ្រចិន្ដា ស្រុកភ្នំព្រឹកខេត្តបាត់ដំបងចាប់ពីម៉ោង​០៨និង០០នាទីដល់ម៉ោង១១និង៣០នាទីសមាសភាពចូលរួម៖

កម្លាំងចម្រុះសរុបមានចំនួន ៦០នាក់ក្នុងនោះកម្លាំងស្នងការដ្ឋាននគរបាលខេត្តបាត់ដំបងចំនួន ១០នាក់ កម្លាំងកងរាជអាវុធហត្ថខេត្ត និងស្រុកចំនួន១០នាក់ដឹកនាំដោយលោកវរសេនី​យ៍ឯក (អ៊ុន ជ្រីសៅមណ្ឌល) មេបញ្ជាការរងកងរាជអាវុធហត្ថខេត្តបាត់ដំបង

កម្លាំងនគរបាលនៃអធិការដ្ឋាននគរបាលស្រុកភ្នំព្រឹក ចំនួន ៣០នាក់ ដឹកនាំដោយលោកវរសេនីយ៍ទោ( ហេង បារាំង) អធិការនគរបាលស្រុកភ្នំព្រឹក កម្លាំងនគរបាលវរសេនាតូចការពារព្រំដែនគោក៨១៩ ចំនួន ១០នាក់ ដឹកនាំដោយលោក វរសេនីយ៍ទោ( អ៊ិន កុល) មេបញ្ជាការ ។ បានធ្វើការត្រួតពិនិត្យលើរថយន្តចំនួន ៣៨៧​គ្រឿង មនុស្ស ៤៣៥នាក់ ស្រី ២០០នាក់ ក្នុងនោះ៖ -បានត្រួតពិនិត្យលើរថយន្តធុនធំ ចំនួន ១០៦គ្រឿង មនុស្ស ១៣០នាក់ ស្រី ៣៧នាក់។ -បានត្រួតពិនិត្យលើរថយន្តធុនតូចចំនួន ២៨១គ្រឿងមនុស្ស៣០៥នាក់ ស្រី១៦៣នាក់និងម៉ូតូចំនួន ១០គ្រឿង មិនប្រក្រតី គ្មានមួកសុវត្ថិភាព និងកញ្ចក់មើលក្រោយលើមនុស្សសរុប ១៣នាក់ ។

-គោលដៅទី០២៖ ផ្លូវលេខ៥៧B ស្ថិតក្នុងក្រុមទី០៦ ភូមិអូរ ឃុំពេជ្រចិន្ដា ស្រុកភ្នំព្រឹក ខេត្តបាត់​ដំបង ចាប់ពីម៉ោង០១និង០០នាទីរសៀល ដល់​ម៉ោង ១៦និង៣០នាទីបានធ្វើការត្រួតពិនិត្យលើរថយន្តចំនួន ២៥០គ្រឿង មនុស្ស ៣២៧នាក់ ស្រី១៦៣នាក់ ក្នុងនោះ៖ -បានត្រួតពិនិត្យលើរថយន្តធុនធំ ចំនួន ៨៥គ្រឿង មនុស្ស ១១៩នាក់ ស្រី ៦៨នាក់។ -បានត្រួតពិនិត្យលើរថយន្តធុនតូចចំនួន ១៦៥គ្រឿង មនុស្ស ២០៨នាក់ និងម៉ូតូចំនួន ០៩គ្រឿង មិនប្រក្រតី គ្មានមួកសុវត្ថិភាព និងកញ្ចក់មើលក្រោយ លើ មនុស្សសរុប ១៤នាក់ ។

ជាលទ្ធផលទាំង០២គោលដៅនេះមានរថយន្តសរុប៦៣៧គ្រឿងមនុស្ស៧៦២នាក់ស្រី៣៦​៣នាក់ ហើយ បាន ណែនាំឱ្យពួកគាត់ចូលរួម គោរពច្បាប់ចរាចរណ៍ ទាំងអស់គ្នា ហេីយក្នុងកិច្ចប្រតិបត្តិការខាងលើសមត្ថកិច្ចពុំបានរក ឃើញសារធាតុគីមីផ្សំគ្រឿងញៀនខុសច្បាប់ឡើយ៕