(បន្ទាយមានជ័យ)៖ នាព្រឹកថ្ងៃចន្ទ ទី២៧ ខែមិថុនា ឆ្នាំ២០២២ លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានអញ្ជើញសំណេះសំណាល និងដាក់ផែនការដល់កម្លាំងអាវុធហត្ថទាំងអស់ដែលត្រូវចុះតាមគោលដៅដែលបានកំណត់តាមផែនការ ដើម្បីការពារសន្តិសុខរក្សាសុវត្ថិភាព និងសណ្ដាប់ធ្នាប់ជូនសម្ដេចអគ្គមហាសេនាបតី តេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងពិធីទិវាមច្ឆជាតិ នៅថ្ងៃទី០១ ខែកក្កដា ឆ្នាំ២០២២ នៅចំណុចអាងត្រពាំងថ្ម ស្ថិតក្នុងភូមិត្រពាំងថ្មកណ្តាល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។ នាឱកាសនោះដែរលោកឧត្តមសេនីយ៍ត្រីមេបញ្ជាការរងកងរាជអាវុធហត្ថខេត្តបានដាក់ចេញនូវបទបញ្ជារយ៉ាងម៉ឺងមាត់ ដល់កងកម្លាំងអាវុធហត្ថទាំងអស់ ត្រូវការពារសន្តិសុខ សុវត្ថិភាព ជូនសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលនឹងអញ្ជេីញជាអធិបតីភាពដ៏ខ្ពង់ខ្ពស់ ក្នុងទិវា មច្ឆជាតិ ១ កក្កដា នាពេលខាងមុននេះ រួមនឹងប្រតិភូជាន់ខ្ពស់នៃរាជរដ្ឋាភិបាលកម្ពុជាឱ្យបានម៉ត់ចត់បំផុត មិនត្រឹមតែប៉ុណ្ណោះ លោកឧត្តមសេនីយ៍ត្រីមេបញ្ជាការ ក៏បានណែនាំបន្ថែមដល់កងកម្លាំងត្រូវអនុវត្តតាមតួនាទី-ភារកិច្ច និងគោរពវិន័យ បទបញ្ជា សំដៅធ្វេីយ៉ាងណាការពារសន្តិសុខ សុវត្ថិភាពជូនពលរដ្ឋមកចូលរួមឱ្យបានម៉ឺងមាត់បំផុតផងដែរ អរគុណសន្តិភាព៕
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានអញ្ជើញសំណេះសំណាលជាមួយកងកម្លាំងអាវុធខេត្ត មុនទៅបំពេញបេសកកម្ម ការពារ សន្តិសុខ សណ្តាប់ធ្នាប់ សុវត្ថិភាព ជូនសម្តេចអគ្គមហាសេនាបតីតេជោ ហ៊ុន សែន និង និងសម្តេចកិត្តិព្រឹទ្ធបណ្ឌិតនាពេលខាងមុននេះ…
