(ភ្នំពេញ)៖ កម្លាំងនគរបាល ខណ្ឌឫស្សីកែវ ចុះបង្ក្រាបករណី គ្រឿងញៀនមួយ កន្លែងនិងឃាត់ខ្លួន បានជនសង្ស័យ៥នាក់ កាលពីរសៀលថ្ងៃទី១២ ខែតុលាឆ្នាំ២០២០ វេលាម៉ោង០៤និង៣០នាទី ត្រង់ចំណុចផ្លូវលំមួយ កន្លែងក្នុងក្រុមទី០៧ ស្ថិតក្នុងភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាធានីភ្នំពេញ។
លោកវរសេនីយ៍ឯក ហ៊ាង ថារ៉េត អធិការនគរបាល ខណ្ឌឫស្សីកែវបាន ប្រាប់អោយដឹងថា ជនសង្ស័យដែលកម្លាំង ជំនាញឃាត់ខ្លួនបាន មានចំនួន៥នាក់ ទី១ឈ្មោះ សាន់ដេពិសិដ្ឋ ភេទប្រុសអាយុ១៨ឆ្នាំជនជាតិខ្មែរ មុខរបរមិនពិតប្រាកដ មានទីលំនៅភូមិ ឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ទី២ឈ្មោះ នឿន វ៉ាន់ ភេទប្រុសអាយុ១៤ ឆ្នាំជនជាតិខ្មែរ មុខរបរមិនពិត ប្រាកដ មានទីលំនៅ ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ទី៣ឈ្មោះ ម៉ៅ យ៉ូយ ភេទប្រុសអាយុ៣១ ឆ្នាំ មុខរបរមិនពិតប្រាកដ ជនជាតិខ្មែរ មានទីលំនៅ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញទី ៤ឈ្មោះ សួន ស័ក្ក ភេទប្រុសអាយុ១៨ ឆ្នាំជនជាតិខ្មែរ មានទីលំនៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ទី៥ ឈ្មោះ ហេម សុខណារ៉េត ភេទប្រុសអាយុ២៤ ឆ្នាំ មុខរបរមិនពិតប្រាកដ ជនជាតិខ្មែរ មានទីលំនៅភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
ក្រោយពីឃាត់ខ្លួន ជនសង្ស័យខាងលើ កម្លាំងជំនាញឆែកឆេ និងដកហូតបានវត្ថុតាង បានរួមមាន ក្រាមពណ៌ សថ្លាចំនួន២ កញ្ចប់តូចនឹង ក្រាមពណ៌ស ចំនួន០១ដុំធំ អាវុធកែច្នៃ ចំនួន០១ដើម។
សត្ថកិច្ចបានបញ្ជាក់អោយដឹងទៀតថាជនសង្ស័យចំនួន០៥នាក់ខាងលើនេះកម្លាំងជំនាញឃាត់ខ្លួនបានចំនួន២គោលដៅផ្សេងៗពីគ្នា។
បច្ចុប្បន្ន ជនសង្ស័យកំពុងឃាត់ខ្លួន បណ្តោះអាសន្ននៅ អធិការដ្ឋាននគរបាល ខណ្ឌឫស្សីកែវ ដើម្បីកសាងសំណុំរឿង បញ្ជូនទៅសាលាដំបូង រាជធានីភ្នំពេញចាត់ ការបន្តទៅតាមនីតិវិធី៕
